28 jeltoqsanda Aqtaý qalasyna Braziliianyń aviatsiialyq oqiǵalardy tergeý jáne aldyn alý ortalyǵy (CENIPA) ókilderi ushyp keldi, - dep habarlaidy Dalanews.kz Kólik ministrligine siltep.
Tergep-tekserý jónindegi komissiianyń shtabynda jinalys ótti, onda birlesken mindetter aiqyndaldy.
Aita keteiik, Braziliianyń aviatsiialyq oqiǵalardy tergeý jáne aldyn alý ortalyǵy (CENIPA) - azamattyq aviatsiiada oryn alǵan aviatsiialyq oqiǵalardy tergeýmen ainalysatyn ýákiletti organ.
27 jeltoqsanda Braziliiadan Aqtaý qalasyna Chikago Konventsiiasynyń 13 qosymshasyna sáikes Embraer áýe kemesin óndirýshi zaýyttan arnaiy ókilder kelgen bolatyn. Tergep-tekserý jónindegi komissiia aviatsiialyq oqiǵa ornyna baryp, aldaǵy jumystardy aiqyndady.
Eske salaiyq, 25 jeltoqsanda Aqtaý mańynda ushaq qulady. Osyǵan bailanysty TJM túsinikteme berdi.
"Aqtaýda ushaq qulaǵan orynǵa Qazaqstan TJM jeke quramynan 52 adam jáne 11 birlik tehnikasy bardy. Oqiǵa ornyna kelgen boida áýe kemesi janyp jatty. Qutqarý bólimsheleri órtti sóndirýge kiristi", - dedi olar.
"Qazaeronavigatsiia" aqparatynsha, Baký-Groznyi baǵyty boiynsha kele jatqan "Embrair190" AHY8243 ushaǵy Aqtaýda quspen soqtyǵysqan.
Al ázerbaijandyq BAQ-tyń habarlaýynsha, bortta 67 adam men 5 ekipaj múshesi bolǵan.
