28 جەلتوقساندا اقتاۋ قالاسىنا برازيلييانىڭ اۆياتسييالىق وقيعالاردى تەرگەۋ جەنە الدىن الۋ ورتالىعى (CENIPA) ٶكٸلدەرٸ ۇشىپ كەلدٸ, - دەپ حابارلايدى Dalanews.kz كٶلٸك مينيسترلٸگٸنە سٸلتەپ.
تەرگەپ-تەكسەرۋ جٶنٸندەگٸ كوميسسييانىڭ شتابىندا جينالىس ٶتتٸ, وندا بٸرلەسكەن مٸندەتتەر ايقىندالدى.
ايتا كەتەيٸك, برازيلييانىڭ اۆياتسييالىق وقيعالاردى تەرگەۋ جەنە الدىن الۋ ورتالىعى (CENIPA) - ازاماتتىق اۆياتسييادا ورىن العان اۆياتسييالىق وقيعالاردى تەرگەۋمەن اينالىساتىن ۋەكٸلەتتٸ ورگان.
27 جەلتوقساندا برازيلييادان اقتاۋ قالاسىنا چيكاگو كونۆەنتسيياسىنىڭ 13 قوسىمشاسىنا سەيكەس Embraer ەۋە كەمەسٸن ٶندٸرۋشٸ زاۋىتتان ارنايى ٶكٸلدەر كەلگەن بولاتىن. تەرگەپ-تەكسەرۋ جٶنٸندەگٸ كوميسسييا اۆياتسييالىق وقيعا ورنىنا بارىپ, الداعى جۇمىستاردى ايقىندادى.
ەسكە سالايىق, 25 جەلتوقساندا اقتاۋ ماڭىندا ۇشاق قۇلادى. وسىعان بايلانىستى تجم تٷسٸنٸكتەمە بەردٸ.
"اقتاۋدا ۇشاق قۇلاعان ورىنعا قازاقستان تجم جەكە قۇرامىنان 52 ادام جەنە 11 بٸرلٸك تەحنيكاسى باردى. وقيعا ورنىنا كەلگەن بويدا ەۋە كەمەسٸ جانىپ جاتتى. قۇتقارۋ بٶلٸمشەلەرٸ ٶرتتٸ سٶندٸرۋگە كٸرٸستٸ", - دەدٸ ولار.
"قازاەروناۆيگاتسييا" اقپاراتىنشا, باكۋ-گروزنىي باعىتى بويىنشا كەلە جاتقان "ەمبراير190" AHY8243 ۇشاعى اقتاۋدا قۇسپەن سوقتىعىسقان.
ال ەزەربايجاندىق باق-تىڭ حابارلاۋىنشا, بورتتا 67 ادام مەن 5 ەكيپاج مٷشەسٸ بولعان.
