Qazaqstannyń Kólik ministrligi aldaǵy kúnderi Azerbaijan Airlines áýe kompaniiasynyń Aqtaý mańynda apatqa ushyraǵan ushaǵyn tergeý komissiiasynyń músheleri Astanaǵa keletinin málimdedi, dep habarlaidy Dalanews.kz.
“Komissiia músheleri kelgen boida ushaqtyń qara jáshikterinen alynǵan málimetterdi zertteýge dereý kirisedi”, – delingen habarlamada.
Aita keteiik, Aqtaý mańyndaǵy ushaq apatynyń tergeý qorytyndysy 2025 jyldyń sońyna deiin jariialanady. Embraer 190 ushaǵynyń Aqtaý mańyndaǵy apaty boiynsha tergeýdiń qorytyndysy 2025 jyldyń sońyna deiin jariialanady. Bul týraly Qazaqstan Respýblikasynyń Kólik ministrliginiń baspasóz qyzmeti málimdedi.
31 jeltoqsanda BIZDIÑ ORTA podkastynda Qazaqstannyń kólik vitse-ministri Talǵat Lastaev apattyń aldyn ala esebi 30 kún ishinde jariialanatynyn málimdedi. Degenmen Kólik ministrligi bul tergeý jumystary Halyqaralyq azamattyq aviatsiia uiymynyń erejelerine sáikes 12 aiǵa deiin sozylýy múmkin ekenin túsindirdi.
Aita keteiik, 2024 jyly 25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul - Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan.
Apattan 6 qazaqstandyq kóz jumdy. Jalpy qaza tapqandar sany — 38. Qaiǵyly oqiǵadan 29 adam aman qaldy.
Qaiǵyly oqiǵadan keiin Ázerbaijanda Jalpyulttyq aza tutý kúni jariialandy. Túste búkil el boiynsha memlekettik týlar túsirilip, kólikter toqtady. Ázerbaijandyqtar qaza tapqandardy bir minýt únsizdikpen eske aldy.
Keiinirek Chikago konventsiiasynyń 13-qosymshasyna sáikes Qazaqstan Ázerbaijan men Reseidiń aviatsiialyq organdarymen aqyldasqan soń, QR Kólik ministri Marat Qarabaev basqaratyn komissiia Embraer ushaǵynyń qara jáshigin Braziliiadaǵy CENIPA ortalyǵyna jiberý týraly sheshim qabyldady.
