قازاقستاننىڭ كٶلٸك مينيسترلٸگٸ الداعى كٷندەرٸ Azerbaijan Airlines ەۋە كومپانيياسىنىڭ اقتاۋ ماڭىندا اپاتقا ۇشىراعان ۇشاعىن تەرگەۋ كوميسسيياسىنىڭ مٷشەلەرٸ استاناعا كەلەتٸنٸن مەلٸمدەدٸ, دەپ حابارلايدى Dalanews.kz.
“كوميسسييا مٷشەلەرٸ كەلگەن بويدا ۇشاقتىڭ قارا جەشٸكتەرٸنەن الىنعان مەلٸمەتتەردٸ زەرتتەۋگە دەرەۋ كٸرٸسەدٸ”, – دەلٸنگەن حابارلامادا.
ايتا كەتەيٸك, اقتاۋ ماڭىنداعى ۇشاق اپاتىنىڭ تەرگەۋ قورىتىندىسى 2025 جىلدىڭ سوڭىنا دەيٸن جارييالانادى. Embraer 190 ۇشاعىنىڭ اقتاۋ ماڭىنداعى اپاتى بويىنشا تەرگەۋدٸڭ قورىتىندىسى 2025 جىلدىڭ سوڭىنا دەيٸن جارييالانادى. بۇل تۋرالى قازاقستان رەسپۋبليكاسىنىڭ كٶلٸك مينيسترلٸگٸنٸڭ باسپاسٶز قىزمەتٸ مەلٸمدەدٸ.
31 جەلتوقساندا BIZDIÑ ORTA پودكاستىندا قازاقستاننىڭ كٶلٸك ۆيتسە-مينيسترٸ تالعات لاستاەۆ اپاتتىڭ الدىن الا ەسەبٸ 30 كٷن ٸشٸندە جارييالاناتىنىن مەلٸمدەدٸ. دەگەنمەن كٶلٸك مينيسترلٸگٸ بۇل تەرگەۋ جۇمىستارى حالىقارالىق ازاماتتىق اۆياتسييا ۇيىمىنىڭ ەرەجەلەرٸنە سەيكەس 12 ايعا دەيٸن سوزىلۋى مٷمكٸن ەكەنٸن تٷسٸندٸردٸ.
ايتا كەتەيٸك, 2024 جىلى 25 جەلتوقساندا جەرگٸلٸكتٸ ۋاقىت بويىنشا 11.30-دا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىرادى. بۇل - Azerbaijan Airlines ەۋەكومپانيياسىنا تيەسٸلٸ ەمبراەر 190 ۇشاعى.
اقپارات بويىنشا ۇشاق بورتىندا 67 ادام, ونىڭ ٸشٸندە 5 ەكيپاج مٷشەسٸ بولعان.
اپاتتان 6 قازاقستاندىق كٶز جۇمدى. جالپى قازا تاپقاندار سانى — 38. قايعىلى وقيعادان 29 ادام امان قالدى.
قايعىلى وقيعادان كەيٸن ەزەربايجاندا جالپىۇلتتىق ازا تۇتۋ كٷنٸ جارييالاندى. تٷستە بٷكٸل ەل بويىنشا مەملەكەتتٸك تۋلار تٷسٸرٸلٸپ, كٶلٸكتەر توقتادى. ەزەربايجاندىقتار قازا تاپقانداردى بٸر مينۋت ٷنسٸزدٸكپەن ەسكە الدى.
كەيٸنٸرەك چيكاگو كونۆەنتسيياسىنىڭ 13-قوسىمشاسىنا سەيكەس قازاقستان ەزەربايجان مەن رەسەيدٸڭ اۆياتسييالىق ورگاندارىمەن اقىلداسقان سوڭ, قر كٶلٸك مينيسترٸ مارات قاراباەۆ باسقاراتىن كوميسسييا Embraer ۇشاعىنىڭ قارا جەشٸگٸن برازيليياداعى CENIPA ورتالىعىنا جٸبەرۋ تۋرالى شەشٸم قابىلدادى.
