Mańǵystaý oblystyq memlekettik sáýlet-qurylys baqylaý basqarmasynyń basshysy Dáýren Ótepqalidiń aitýynsha, basqarma 2022 jylǵy 1 jeltoqsan aiynda jospardan tys tekserý jumystaryn júrgizgen.
Tekseris qorytyndysy boiynsha, atalǵan turǵyn úidiń eshqandai ruqsatnama qujattary rásimdelmegeni, tehnikalyq jáne avtorlyq qadaǵalaýshylardyń súiemeldeýinsiz qurylys júrgizgeni anyqtalyp, menshik iesine qujattardy zańdastyrýǵa 1 jyl ýaqyt berilgen.
– QRÁQBtK 316, 321 jáne 463 baptarymen ákimshilik hattama jasaqtalyp, aiyppul somasy memleket menshigine óndirildi. Qurylys-montajdaý jumystaryn toqtatý jáne qujattaryn rásimdeýge nusqama berildi. Qurylys salýshy tulǵa berilgen nusqamany elemei, qurylysyn jalǵastyrdy. Tiisinshe qurylys-montajdaý jumystaryn toqtatý jáne qujattaryn rásimdeýge nusqama berildi, – dedi Dáýren Ótepqali.
Alaida, qurylys salýshy tulǵa berilgen nusqamany elemei, qurylysyn jalǵastyrǵan. Basqarma Qazaqstan Respýblikasy Azamattyq kodeksiniń 244-babyna sáikes, óz betinshe salynǵan ǵimaratty buzý úshin talap aryz joldady. Nátijesinde sot sheshimimen talap aryz qanaǵattandyrylyp, kúshine endi.
– Búginde qalada jylý máselesi ózekti. Negizgi sebep – zańsyz qurylystyń kóbeiýi. Sondyqtan, zańdy túrde rásimdelmegen nysandardy buzý kerek. Ekinshiden, bul úiler turǵyndar úshin de turýǵa qaýipti.
Qazirgi tańda, qala boiynsha 28 zańsyz qurylys anyqtaldy. Onyń 4-i súrildi. Aldaǵy ýaqytta da bul jumystar jalǵasyn tabady. Bul tusta úleskerlerdi zańsyz tartý faktileri bolǵandyqtan qurylys kompaniiasy qarajatty qaitarýy jáne úleskerler aldyndaǵy mindettemelerdi oryndaýy tiis, – dedi Aqtaý qalasynyń ákimi Ulyqbek Tnaliev.
Aita keteiik, zańsyz qurylysty súrý jumysyna menshik iesi men úleskerler de qatysty. Olarǵa turǵyn úidiń zań júzinde buzylyp jatqandyǵy túsindirildi. Endi úleskerler óz qarajatyn zańsyz qurylys salýshydan quqyqtyq tártippen óndirip alýǵa quqyly.
