ماڭعىستاۋ وبلىستىق مەملەكەتتٸك سەۋلەت-قۇرىلىس باقىلاۋ باسقارماسىنىڭ باسشىسى دەۋرەن ٶتەپقاليدٸڭ ايتۋىنشا, باسقارما 2022 جىلعى 1 جەلتوقسان ايىندا جوسپاردان تىس تەكسەرۋ جۇمىستارىن جٷرگٸزگەن.
تەكسەرٸس قورىتىندىسى بويىنشا, اتالعان تۇرعىن ٷيدٸڭ ەشقانداي رۇقساتناما قۇجاتتارى رەسٸمدەلمەگەنٸ, تەحنيكالىق جەنە اۆتورلىق قاداعالاۋشىلاردىڭ سٷيەمەلدەۋٸنسٸز قۇرىلىس جٷرگٸزگەنٸ انىقتالىپ, مەنشٸك يەسٸنە قۇجاتتاردى زاڭداستىرۋعا 1 جىل ۋاقىت بەرٸلگەن.
– قرەقبتك 316, 321 جەنە 463 باپتارىمەن ەكٸمشٸلٸك حاتتاما جاساقتالىپ, ايىپپۇل سوماسى مەملەكەت مەنشٸگٸنە ٶندٸرٸلدٸ. قۇرىلىس-مونتاجداۋ جۇمىستارىن توقتاتۋ جەنە قۇجاتتارىن رەسٸمدەۋگە نۇسقاما بەرٸلدٸ. قۇرىلىس سالۋشى تۇلعا بەرٸلگەن نۇسقامانى ەلەمەي, قۇرىلىسىن جالعاستىردى. تيٸسٸنشە قۇرىلىس-مونتاجداۋ جۇمىستارىن توقتاتۋ جەنە قۇجاتتارىن رەسٸمدەۋگە نۇسقاما بەرٸلدٸ, – دەدٸ دەۋرەن ٶتەپقالي.
الايدا, قۇرىلىس سالۋشى تۇلعا بەرٸلگەن نۇسقامانى ەلەمەي, قۇرىلىسىن جالعاستىرعان. باسقارما قازاقستان رەسپۋبليكاسى ازاماتتىق كودەكسٸنٸڭ 244-بابىنا سەيكەس, ٶز بەتٸنشە سالىنعان عيماراتتى بۇزۋ ٷشٸن تالاپ ارىز جولدادى. نەتيجەسٸندە سوت شەشٸمٸمەن تالاپ ارىز قاناعاتتاندىرىلىپ, كٷشٸنە ەندٸ.
– بٷگٸندە قالادا جىلۋ مەسەلەسٸ ٶزەكتٸ. نەگٸزگٸ سەبەپ – زاڭسىز قۇرىلىستىڭ كٶبەيۋٸ. سوندىقتان, زاڭدى تٷردە رەسٸمدەلمەگەن نىسانداردى بۇزۋ كەرەك. ەكٸنشٸدەن, بۇل ٷيلەر تۇرعىندار ٷشٸن دە تۇرۋعا قاۋٸپتٸ.
قازٸرگٸ تاڭدا, قالا بويىنشا 28 زاڭسىز قۇرىلىس انىقتالدى. ونىڭ 4-ٸ سٷرٸلدٸ. الداعى ۋاقىتتا دا بۇل جۇمىستار جالعاسىن تابادى. بۇل تۇستا ٷلەسكەرلەردٸ زاڭسىز تارتۋ فاكتٸلەرٸ بولعاندىقتان قۇرىلىس كومپانيياسى قاراجاتتى قايتارۋى جەنە ٷلەسكەرلەر الدىنداعى مٸندەتتەمەلەردٸ ورىنداۋى تيٸس, – دەدٸ اقتاۋ قالاسىنىڭ ەكٸمٸ ۇلىقبەك تناليەۆ.
ايتا كەتەيٸك, زاڭسىز قۇرىلىستى سٷرۋ جۇمىسىنا مەنشٸك يەسٸ مەن ٷلەسكەرلەر دە قاتىستى. ولارعا تۇرعىن ٷيدٸڭ زاڭ جٷزٸندە بۇزىلىپ جاتقاندىعى تٷسٸندٸرٸلدٸ. ەندٸ ٷلەسكەرلەر ٶز قاراجاتىن زاڭسىز قۇرىلىس سالۋشىدان قۇقىقتىق تەرتٸپپەن ٶندٸرٸپ الۋعا قۇقىلى.
