Aqtaýda 12 jastaǵy oqýshy balalar alańynda esinen tanyp qaldy. Bul – jasóspirimder arasynda “sobachıı kaıf” degen ataýmen taraǵan qaýipti oıynnyń saldary. Bala jerge qulap, basyn qatty soǵyp alǵan. Kýágerlerdiń aıtýynsha, onyń denesi tyrysyp, biraz ýaqyt esin jıa almaı jatqan, dep habarlaıdy Dalanews.kz.
Lada.kz taratqan aqparatqa sáıkes, jedel járdem kelgen soń, oqýshy oblystyq balalar aýrýhanasyna jetkizildi. Dárigerler oǵan mı shaıqalý dıagnozyn qoıdy. Qazirgi ýaqytta jaǵdaıy turaqty.
Aıta keteıik, mundaı jaǵdaı Aqtaýda buǵan deıin de bolǵan. Sáýir aıynyń sońynda 7-synyp oqýshysy dál osy oıyndy oınap, mekteptiń dárethanasynda esinen tanyp qalǵan edi.
