Braziliiadan Aqtaý qalasyna Chikago Konventsiiasynyń 13 qosymshasyna sáikes Embraer áýe kemesin óndirýshi zaýyttan arnaiy ókilder keldi, dep habarlaidy Dalanews.kz.
Tergep-tekserý jónindegi Komissiia aviatsiialyq oqiǵa ornyna baryp, aldaǵy jumystardy aiqyndady.
Sondai-aq, aldaǵy kúnderi elimizge CENIPA ókilderi (aviatsiialyq oqiǵalardy tergeý jáne aldyn alý ortalyǵy) keledi dep kútilýde.
Eske salaiyq, 25 jeltoqsanda Aqtaý mańynda ushaq qulady. Osyǵan bailanysty TJM túsinikteme berdi.
"Aqtaýda ushaq qulaǵan orynǵa Qazaqstan TJM jeke quramynan 52 adam jáne 11 birlik tehnikasy bardy. Oqiǵa ornyna kelgen boida áýe kemesi janyp jatty. Qutqarý bólimsheleri órtti sóndirýge kiristi", - dedi olar.
"Qazaeronavigatsiia" aqparatynsha, Baký-Groznyi baǵyty boiynsha kele jatqan "Embrair190" AHY8243 ushaǵy Aqtaýda quspen soqtyǵysqan.
Al ázerbaijandyq BAQ-tyń habarlaýynsha, bortta 67 adam men 5 ekipaj múshesi bolǵan.
