برازيليادان اقتاۋ قالاسىنا چيكاگو كونۆەنسياسىنىڭ 13 قوسىمشاسىنا سايكەس Embraer اۋە كەمەسىن ءوندىرۋشى زاۋىتتان ارنايى وكىلدەر كەلدى، دەپ حابارلايدى Dalanews.kz.
تەرگەپ-تەكسەرۋ جونىندەگى كوميسسيا اۆياسيالىق وقيعا ورنىنا بارىپ، الداعى جۇمىستاردى ايقىندادى.
سونداي-اق، الداعى كۇندەرى ەلىمىزگە CENIPA وكىلدەرى (اۆياسيالىق وقيعالاردى تەرگەۋ جانە الدىن الۋ ورتالىعى) كەلەدى دەپ كۇتىلۋدە.
ەسكە سالايىق، 25 جەلتوقساندا اقتاۋ ماڭىندا ۇشاق قۇلادى. وسىعان بايلانىستى تجم تۇسىنىكتەمە بەردى.
"اقتاۋدا ۇشاق قۇلاعان ورىنعا قازاقستان تجم جەكە قۇرامىنان 52 ادام جانە 11 بىرلىك تەحنيكاسى باردى. وقيعا ورنىنا كەلگەن بويدا اۋە كەمەسى جانىپ جاتتى. قۇتقارۋ بولىمشەلەرى ءورتتى سوندىرۋگە كىرىستى"، - دەدى ولار.
"قازاەروناۆيگاسيا" اقپاراتىنشا، باكۋ-گروزنىي باعىتى بويىنشا كەلە جاتقان "ەمبراير190" AHY8243 ۇشاعى اقتاۋدا قۇسپەن سوقتىعىسقان.
ال ازەربايجاندىق باق-تىڭ حابارلاۋىنشا، بورتتا 67 ادام مەن 5 ەكيپاج مۇشەسى بولعان.
