Aqtaýda jesir áiel ózin turǵyn úi kezeginen zańsyz shyǵaryp tastaǵan Aqtaý qalasy ákimdiginiń turǵyn úi-kommýnaldyq sharýashylyq bólimin sotqa berip, jeńip shyqty, dep habarlaidy Dalanews.kz.
Joǵarǵy sottyń málimetinshe, 2009 jyldan beri nekede turǵan erli-zaiyptynyń kámeletke tolmaǵan eki balasy bar. Alaida 2016 jyldyń naýryz aiynda kúieýi qaitys bolǵan. Sol jyldyń qazan aiynan bastap jesir áiel "tolyq emes otbasy" sanaty boiynsha turǵyn úige kezekte turǵan.
"Aqtaý qalasynyń turǵyn úi-kommýnaldyq sharýashylyq bólimi túgendeý jumystaryn júrgizý kezinde talap qoiýshynyń menshik quqyǵynda onyń atyna tirkelgen páteri baryn anyqtaǵan. Sondyqtan 2024 jyldyń tamyz aiyndaǵy buiryq negizinde jesir áiel tirkeýden shyǵarylǵan.
Ol bul sheshimge shaǵymdanyp, Mańǵystaý oblysy boiynsha MAÁS-qa TKSh bóliminiń áreketin zańsyz dep tanyp, turǵyn úi kezegin qalpyna keltirýdi talap etken. Sotta anyqtalǵandai, 2017 jyldyń maýsym aiynda áiel qaitys bolǵan anasyna tiesili Aqtaý qalasyndaǵy jalpy aýdany 34,9 sharshy metr, turǵyn aýdany 17,7 sharshy metr bir bólmeli páterdi muraǵa alǵan", - delingen habarlamada.
Isti qaraý nátijeleri boiynsha sot mynadai negizderdi nazarǵa aldy:
- "Turǵyn úi qatynastary týraly" Zańnyń normalaryna sáikes jergilikti atqarýshy organ bir adamǵa paidalanýǵa keminde 15 sharshy metr jáne 18 sh.m-den aspaityn jaramdy alańy bar turǵyn úi usynady, al jesir áielge muraǵa qalǵan 1 bólmeli páter belgilengen normalarǵa sáikes kelmeidi;
- Zańnyń 73-babyna sáikes, belgilengen tártipte turǵyn úige muqtaj dep tanylǵan jáne ony alǵanǵa deiin esepte turǵan tolyq emes otbasylar esepten shyǵarýǵa jatpaidy.
"Osylaisha, zań boiynsha jesir áieldi tirkeýden shyǵarýǵa bolmaidy.
Sot Turǵyn úi-kommýnaldyq sharýashylyq bóliminiń tarapynan qoldanystaǵy zańnama talaptarynyń buzý faktisi boiynsha qalalyq ákimdik atyna jeke uiǵarym shyǵardy. Sheshim zańdy kúshine engen joq", - dep habarlaidy Joǵarǵy sot.
