اقتاۋدا جەسٸر ەيەل ٶزٸن تۇرعىن ٷي كەزەگٸنەن زاڭسىز شىعارىپ تاستاعان اقتاۋ قالاسى ەكٸمدٸگٸنٸڭ تۇرعىن ٷي-كوممۋنالدىق شارۋاشىلىق بٶلٸمٸن سوتقا بەرٸپ, جەڭٸپ شىقتى, دەپ حابارلايدى Dalanews.kz.
جوعارعى سوتتىڭ مەلٸمەتٸنشە, 2009 جىلدان بەرٸ نەكەدە تۇرعان ەرلٸ-زايىپتىنىڭ كەمەلەتكە تولماعان ەكٸ بالاسى بار. الايدا 2016 جىلدىڭ ناۋرىز ايىندا كٷيەۋٸ قايتىس بولعان. سول جىلدىڭ قازان ايىنان باستاپ جەسٸر ەيەل "تولىق ەمەس وتباسى" ساناتى بويىنشا تۇرعىن ٷيگە كەزەكتە تۇرعان.
"اقتاۋ قالاسىنىڭ تۇرعىن ٷي-كوممۋنالدىق شارۋاشىلىق بٶلٸمٸ تٷگەندەۋ جۇمىستارىن جٷرگٸزۋ كەزٸندە تالاپ قويۋشىنىڭ مەنشٸك قۇقىعىندا ونىڭ اتىنا تٸركەلگەن پەتەرٸ بارىن انىقتاعان. سوندىقتان 2024 جىلدىڭ تامىز ايىنداعى بۇيرىق نەگٸزٸندە جەسٸر ەيەل تٸركەۋدەن شىعارىلعان.
ول بۇل شەشٸمگە شاعىمدانىپ, ماڭعىستاۋ وبلىسى بويىنشا ماەس-قا تكش بٶلٸمٸنٸڭ ەرەكەتٸن زاڭسىز دەپ تانىپ, تۇرعىن ٷي كەزەگٸن قالپىنا كەلتٸرۋدٸ تالاپ ەتكەن. سوتتا انىقتالعانداي, 2017 جىلدىڭ ماۋسىم ايىندا ەيەل قايتىس بولعان اناسىنا تيەسٸلٸ اقتاۋ قالاسىنداعى جالپى اۋدانى 34,9 شارشى مەتر, تۇرعىن اۋدانى 17,7 شارشى مەتر بٸر بٶلمەلٸ پەتەردٸ مۇراعا العان", - دەلٸنگەن حابارلامادا.
ٸستٸ قاراۋ نەتيجەلەرٸ بويىنشا سوت مىناداي نەگٸزدەردٸ نازارعا الدى:
- "تۇرعىن ٷي قاتىناستارى تۋرالى" زاڭنىڭ نورمالارىنا سەيكەس جەرگٸلٸكتٸ اتقارۋشى ورگان بٸر ادامعا پايدالانۋعا كەمٸندە 15 شارشى مەتر جەنە 18 ش.م-دەن اسپايتىن جارامدى الاڭى بار تۇرعىن ٷي ۇسىنادى, ال جەسٸر ەيەلگە مۇراعا قالعان 1 بٶلمەلٸ پەتەر بەلگٸلەنگەن نورمالارعا سەيكەس كەلمەيدٸ;
- زاڭنىڭ 73-بابىنا سەيكەس, بەلگٸلەنگەن تەرتٸپتە تۇرعىن ٷيگە مۇقتاج دەپ تانىلعان جەنە ونى العانعا دەيٸن ەسەپتە تۇرعان تولىق ەمەس وتباسىلار ەسەپتەن شىعارۋعا جاتپايدى.
"وسىلايشا, زاڭ بويىنشا جەسٸر ەيەلدٸ تٸركەۋدەن شىعارۋعا بولمايدى.
سوت تۇرعىن ٷي-كوممۋنالدىق شارۋاشىلىق بٶلٸمٸنٸڭ تاراپىنان قولدانىستاعى زاڭناما تالاپتارىنىڭ بۇزۋ فاكتٸسٸ بويىنشا قالالىق ەكٸمدٸك اتىنا جەكە ۇيعارىم شىعاردى. شەشٸم زاڭدى كٷشٸنە ەنگەن جوق", - دەپ حابارلايدى جوعارعى سوت.
