Jetisý oblysynyń ákimi Beibit Isabaev Aqsý aýdanynda birneshe qurylys nysandaryn aralap, Balqash kóline deiingi avtojoldyń qaita jańǵyrtý jumystarynyń barysyn kórip qaitty,- dep habarlaidy Dalanews.kz
Aldymen Almaty – Óskemen – Lepsi – Aqtoǵai avtotrassasynyń boiyndaǵy qurylys jumystarynyń qalai atqarylyp jatqanyna nazar aýdarǵan oblys basshysy jol salýshy merdiger uiym ókilderimen tildesti.
Atap ótsek, atalǵan joldyń 0-35 km tolyq aiaqtalyp, paidalanýǵa berilgen, 35-90 km ýchaskede eki qabat asfalt tóselip bitken, qazir 90-104 km ýchaskede asfalt tóseýge daiyndyq jáne bir qabat asfalttaý jumystary 70-tei tehnikany tarta otyryp, qyzý júrip jatyr. Merdiger uiym basshylyǵynyń aitýynsha, osy jyldyń 15 maýsymyna deiin jol eki qabat asfalt jabynymen kólik qozǵalysy úshin ashylady. Al úshinshi betki qabatynyń asfalty men abattandyrylýy jyl sońyna deiin aiaqtalady. Bul rette oblys ákimi jazǵy týristik maýsym bastalǵanǵa deiin belgilengen jumystardy bitirýdi tapsyrdy.
Munan soń Beibit Isabaev Aqsý aýdanyndaǵy birneshe qurylys alańdaryna bardy. Máselen, Kóltaban aýylynda jańadan salynyp jatqan mektep qurylysy osy jyldyń qańtar aiynda bastalǵan. Mektep 120 orynǵa arnalǵan, onda 25 oryndy shaǵyn ortalyq qarastyrylǵan. Qurylys jumystary osy jyldyń qazan aiynda aiaqtalýy tiis. Al qazirgi qoldanystaǵy mektep 1978 jyly salynǵan beiimdelgen ǵimaratta ornalasqan. Belgili bolǵandai, qurylys alańynda 50 shaqty adam jumys istep jatyr. Qurylys jumystaryn belgilengen merzimde aiaqtaýǵa tolyq múmkindigi bar.
Al Jansúgirov aýylyndaǵy Q.Sátpaev atyndaǵy 1200 oryndyq orta mektep ǵimaratyna kúrdeli jóndeý jáne seismikalyq kúsheitý jumystaryn júrgizip jatqan qurylys kompaniiasy jumys kestesinen 3 ai alda keledi. Qurylys jumystaryn qańtarda bastap, qazir 90-nan astam adam ǵimarattyń ishki árleýine qyzý kirisken. Sonyń ishinde 30 jergilikti turǵyndy jumyspen qamtý organdary arqyly jumysqa tartyp otyr. Shaǵyn fýtbol alańyn jáne mektepten Molyqbai Baisaquly atyndaǵy mádeniet úiine deiingi trotýardy merdiger uiym óz qarajatyna jasap bermekshi. Oblys ákimi ǵimarattyń kúrdeli jóndeýiniń sapaly júrgizilip jatqanyn atap ótip, nysannyń injenerlik-kommýnikatsiialyq jelilerin tartý men abattandyrý isin de osyndai sapada atqarýdy tapsyrdy.
Sol siiaqty aýdandyq ortalyq aýrýhana ǵimaratyna qalpyna keltirý jumystary men seismikalyq kúsheitý júrgizilýde. Bul meditsina nysany 1972 jyly salynǵan. Sodan beri aǵymdaǵy jóndeý júrgizýmen ǵana shektelip kelgen. Merdiger uiym ókilderimen tildesý barysynda Beibit Isabaev ótken jyldan beri sozylyp kele jatqan bul qurylys jumystaryna qarqyn berý kerektigin aityp, qurylys alańyndaǵy 37 adamnyń belgilengen jumys kólemi úshin jetkiliksiz ekenin eskertti. «Halyq aýrýhana qurylysynyń aiaqtalǵanyn kútip otyr, bul – áleýmettik mańyzy bar nysan. Sondyqtan sizderden ýaqytyly, ári sapaly atqarylǵan jumysty talap etemiz», - degen oblys ákimi jumyskerler sanyn arttyryp, iske qarqyndy kirisýdi qatań tapsyrdy.
Oblys basshysy atbasyn tiregen kelesi obektiler – turǵyn úi nysandary. Aldymen aýylda salynyp jatqan 60 páterlik úidiń qurylysymen tanysty. Osydan bir jyl buryn bastalǵan qurylys jumystary biylǵy tamyz aiynyń sońyna deiin aiaqtalýy tiis. Qazirgi daiyndyq deńgeii – 60 %. Sol siiaqty osy úidiń injenerlik-kommýnikatsiialyq jelilerin júrgizý jumystary osy sáýir aiynan bastalǵan.
«Sapaly úiler tek qalalarda ǵana emes, aýyldyq jerlerde de salynýy kerek. Halyqqa turǵyn úi qajet, baspana berý - turǵyndardyń ómir súrý sapasyn arttyrýdyń mańyzdy sharasy. Bul - Prezidenttiń aldymyzǵa qoiyp otyrǵan basty mindetteriniń biri", - degen B. Isabaev aýdan ákimi men qurylys basqarmasyna qadaǵalaý jumystaryn kúsheitýdi mindettedi.
Munan soń salynyp bitken, turǵyn úi kezeginde turǵan halyqtyń áleýmettik osal toptaryna beriletin 24 páterli kóp qabatty úidiń ishin aralap kórdi. Qurylys sapaly júrgizilgeni aiqyn kórinip tur. Degenmen oblys ákimi merdiger uiymǵa múmkindigi shekteýli jandar úshin kireberiske kótergish ornatýdy tapsyrdy. Sol siiaqty birdi-ekili shaǵyn eskertýler aityldy. Atalǵan turǵyn úi jýyrda paidalanýǵa beriledi dep josparlanyp otyr.
"Jalpy aýdanda qurylysy júrip jatqan nysandardyń jumysy bekitilgen kestege sáikes ýaqytyly júrgizilýin jaýapty memlekettik organdar qatań qadaǵalap otyrýy tiis. Kesteden keshigý oryn alǵan bette, birden shara qoldaný kerek. Merdiger uiymdarǵa jumys merzimine qatysty da, sapaǵa qatysty da qatań talap qoiylady. Biyl kúzde Aqsý aýdanyna tabiǵi gaz jetkiziledi. Soǵan aldymen jańadan salynǵan áleýmettik nysandardy, turǵyn úilerdi qosý isin aýdan ákimdigi pysyqtaýy kerek. Keiinirek Aqsý zaýytyn da gazǵa qosý qarastyrylady. Bul jumysqa júieli jospar jasap kirisińizder", - dedi B.Isabaev.
