«Taza Qazaqstan» ekoaksıasy aıasynda Abaı oblysynyń Aqsýat aýdany turǵyndary kóshelerdi tazalap, Qabanbaı batyr eskertkishiniń aýmaǵyn tazartty, – dep habarlaıdy Dalanews.kz Abaı oblysy ákiminiń baspasóz qyzmetine silteme jasap.

Ekologıalyq mádenıetti qalyptastyrý, halyqtyń tabıǵatqa uqypty qaraýy maqsatynda Qabanbaı batyr eskertkishi turǵan saıabaqty abattandyrý jumystary júrgizilýde. Eskertkishterdi qalpyna keltirý, jýý, shóp shabý, qaldyqtardy jınaý, sondaı-aq tarıhı-mádenı nysandarǵa irgeles aýmaqty tazartý uıymdastyryldy.

Aksıa barysynda 686-den astam azamat, belsendiler men eriktiler birlesken kúsh-jigermen 256 000 sharshy metrge jýyq tazartyldy.

Budan basqa, Sátbaev aýylynda uzyndyǵy 1,4 shaqyrym joldy ortasha jóndeý josparlanǵan.

Sátbaev aýylynyń turǵyny Baǵlan Qabyshev atap ótkendeı, barlyq aýyl turǵyndary joldy jóndelgenine qýanyshty.

– Jol uzaq ýaqyt boıy jóndeýdi qajet etti. Sondyqtan jóndeý bastalatyny týraly habardy bárimiz qýanyshpen qarsy aldyq. Aldaǵy ýaqytta jol jóndeý jumystary jalǵasady jáne bizdiń aýylǵa aparatyn jol tegis bolady dep úmittenemiz, – dedi Baǵlan Qabyshev.

Aqsýat aýdanynyń «Amanat» partıasy fılıalynyń tóraǵasy Erjan Quttybaev joldardy jóndeý, sondaı-aq eldi mekenderdi tártipke keltirý partıa baǵdarlamasyn údemeli iske asyrý ekenin atap ótti.

– Sátbaev aýylyna deıingi joldy jóndeýdiń arqasynda endi halyqqa jeke kólikpen ǵana emes, arnaıy mashınalarmen de jetý ońaı bolady. Sonymen qatar, aýdan halqynyń barlyǵy derlik «Taza Qazaqstan» ekologıalyq aksıasyn qoldady. Bul bárimiz úshin de óte mańyzdy, óıtkeni bul bizdiń kóshelerimizdi uqypty etip qana qoımaı, bárimizdi biriktiredi, – dep atap ótti Erjan Quttybaev.