Aqsý qant zaýyty iske qosyldy
10 jyl toqtap turǵan Aqsý qant zaýyty búgin qant qyzylshasynyń alǵashqy legin qabyldady. Sarqan aýdanynyń «Majiks» SDO alqabynan daiyndaý pýnktine 80 tonna tátti túbir jetkizildi, - dep habarlaidy Almaty oblysy ákiminiń baspasóz qyzmeti.
Osy qýanyshty oqiǵamen zaýyt ujymy men sharýalardy oblys ákiminiń orynbasary Serikjan Beskempirov quttyqtady. Óz sózinde S. Beskempirov zaýyttyń qant qyzylshasyn alǵash qabyldaý qyzylshashylar úshin de, óńdeýshiler úshin de, jergilikti halyq úshin de erekshe oqiǵa ekenin atap ótti. On jyl boiy turalap qalǵan Aqsý qant zaýytynyń qalaquraýshy kásiporyn mártebesin qaita jańǵyrtatyn kúni de alys emes. Al zaýyttyń iske qosylýy jańa jumys oryndarynyń ashylýyna jáne sapaly qant óndirý isin ilgeriletýge yqpal etpek.
Eske salsaq, qazirgi kezde Aqsý qant zaýytyn qalpyna keltirý jumystarynyń negizgi bóligi aiaqtaldy. Qyzylsha jinaqtaý alańy ǵana emes, barlyq tsehtary jumysqa daiyn, jańa qural-jabdyqtar ornatylǵan, barlyq tehnologiialyq protsester avtomattandyrylady. Ázirge munda 100 adam jumysqa tartylǵan, degenmen zaýyt tolyq iske qosylǵanda mundaǵy mamandar sany 650-ge jetkizilmek. Óndiristik qýatyna sai maýsymyna 300 myń tonna shikizat óńdei alady. Al daiyn ónimniń kólemi 32-35 myń tonna bolady dep josparlanyp otyr. Aqsý qant zaýytyn shikizatpen negizinen Aqsý, Sarqan, Alakól aýdandarynyń qant ósirýshileri qamtamasyz etpek.
Almaty oblysy ákiminiń baspasóz qyzmeti
https://dalanews.kz/30284
