Bıylǵy jyldyń aıaǵyna deıin Almaty oblysynda aýyl sharýashylyǵynyń jalpy ónim kólemi alǵash ret bir trıllıon teńgeden aspaq. Bıyl jetisýlyq sharýalar memlekettik qoldaýǵa 50 mlrd teńgeden astam qarajat bólindi, onyń 43 mlrd teńgesi sýbsıdıaǵa baǵyttaldy. Mundaı sharalarmen óńirdiń 15 myń sharýashylyǵy qamtylǵan. Bul jaıly búgin Nur-Sultan qalasyn Prezıdent janyndaǵy OKK alańynda ótken brıfıń barysynda Almaty oblysynyń ákimi Amandyq Batalov aıtty, – dep habarlaıdy Dalanews.kz Almaty oblysy ákiminiń baspasóz qyzmeti.

Ákimniń sózine súıensek, oblysta aýyl sharýashylyǵy daqyldarynyń alqaby 972 myń gektarǵa jetkizildi, onyń ishinde qant qyzylshasy – 16 myń, júgeri – 95 myń, kartop 40 myń gektardan asty.

– Aýyl turǵyndarynyń tabysyn arttyrý jáne azyq-túlik qaýipsizdigin qamtamasyz etý maqsatynda agroónerkásiptik keshendi damytý sharalary qabyldanýda. Biz 2025 jylǵa deıin qant qyzylshasy alqabyn 53 myń gektarǵa deıin ulǵaıtý esebinen shıkizat óndirisi kólemin eki mıllıon tonnaǵa jetkizý jóninde aýqymdy mindet qoıyp otyrmyz, – dep atap ótti oblys ákimi. Ol úshin Kóksý jáne Aqsý qant zaýyttaryn jańǵyrtý arqyly olardyń jalpy bir jyldaǵy óńdeý qýatyn 1 mln 100 myń tonnalyq deńgeıge jetkizý josparlanǵan.