بيىلعى جىلدىڭ اياعىنا دەيىن الماتى وبلىسىندا اۋىل شارۋاشىلىعىنىڭ جالپى ءونىم كولەمى العاش رەت ءبىر تريلليون تەڭگەدەن اسپاق. بيىل جەتىسۋلىق شارۋالار مەملەكەتتىك قولداۋعا 50 ملرد تەڭگەدەن استام قاراجات ءبولىندى، ونىڭ 43 ملرد تەڭگەسى سۋبسيدياعا باعىتتالدى. مۇنداي شارالارمەن ءوڭىردىڭ 15 مىڭ شارۋاشىلىعى قامتىلعان. بۇل جايلى بۇگىن نۇر-سۇلتان قالاسىن پرەزيدەنت جانىنداعى وكك الاڭىندا وتكەن بريفينگ بارىسىندا الماتى وبلىسىنىڭ اكىمى اماندىق باتالوۆ ايتتى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتى.

اكىمنىڭ سوزىنە سۇيەنسەك، وبلىستا اۋىل شارۋاشىلىعى داقىلدارىنىڭ القابى 972 مىڭ گەكتارعا جەتكىزىلدى، ونىڭ ىشىندە قانت قىزىلشاسى – 16 مىڭ، جۇگەرى – 95 مىڭ، كارتوپ 40 مىڭ گەكتاردان استى.

– اۋىل تۇرعىندارىنىڭ تابىسىن ارتتىرۋ جانە ازىق-تۇلىك قاۋىپسىزدىگىن قامتاماسىز ەتۋ ماقساتىندا اگروونەركاسىپتىك كەشەندى دامىتۋ شارالارى قابىلدانۋدا. ءبىز 2025 جىلعا دەيىن قانت قىزىلشاسى القابىن 53 مىڭ گەكتارعا دەيىن ۇلعايتۋ ەسەبىنەن شيكىزات ءوندىرىسى كولەمىن ەكى ميلليون تونناعا جەتكىزۋ جونىندە اۋقىمدى مىندەت قويىپ وتىرمىز، – دەپ اتاپ ءوتتى وبلىس اكىمى. ول ءۇشىن كوكسۋ جانە اقسۋ قانت زاۋىتتارىن جاڭعىرتۋ ارقىلى ولاردىڭ جالپى ءبىر جىلداعى وڭدەۋ قۋاتىن 1 ملن 100 مىڭ توننالىق دەڭگەيگە جەتكىزۋ جوسپارلانعان.