استانادا 471 مىڭ كٶلٸك تٸركەلگەن. ولاردىڭ سانى جىل سايىن 25–30 مىڭعا ارتىپ, قالاعا كٷن سايىن 150 مىڭعا جۋىق كٶلٸك كٸرٸپ-شىعادى, دەپ حابارلايدى dalanews.kz.
قالاداعى كٶلٸك اعىنىنىڭ ٶسۋٸنە بايلانىستى كٶشە-جول جەلٸسٸنە تٷسەتٸن جٷكتەمەنٸ ازايتۋ ماقساتىندا كٶلٸك جٷيەسٸن دامىتۋدىڭ كەشەندٸ باعدارلاماسى جٷزەگە اسىرىلىپ جاتىر.
بٸرىڭعاي وپەراتور رەتٸندە جول قوزعالىسىن باسقارۋ ورتالىعى بەلگٸلەنگەن. ول تۇراق كەڭٸستٸگٸن, كٶلٸك قوزعالىسىن, باعدارشامداردىڭ جۇمىسىن, كٶلٸكتەردٸ ەۆاكۋاتسييالاۋدى جەنە كٶلٸكتٸك جوسپارلاۋدى ٷيلەستٸرەدٸ.
كٶلٸك اعىندارىن باسقارۋ ITS ينتەللەكتۋالدىق كٶلٸك جٷيەسٸ ارقىلى جٷزەگە اسىرىلادى. قازٸر باعدارشامداردىڭ 80 پايىزى وسى باسقارۋ جٷيەسٸنە قوسىلعان.
سونىمەن قاتار Presight كومپانيياسىمەن بٸرلەسٸپ بەينەباقىلاۋ ينفراقۇرىلىمى جاڭارتىلعان. Smart City جوباسى اياسىندا بيىل جول قوزعالىسى ەرەجەلەرٸن بۇزۋدى تٸركەيتٸن 1200-دەن استام كەشەن جۇمىس ٸستەپ تۇر.
قالانىڭ سيتۋاتسييالىق ورتالىعىنا 60 مىڭنان استام بەينەكامەرا بٸرٸكتٸرٸلگەن. اۆتوماتتى تٷردە انىقتالاتىن قۇقىق بۇزۋشىلىق تٷرلەرٸنٸڭ سانى 4-تەن 15-كە دەيٸن ارتقان. بۇدان بٶلەك, جاساندى ينتەللەكت نەگٸزٸندە بەينەاناليتيكانىڭ 35 تٷرٸ ەنگٸزٸلگەن.
كٶلٸك قوزعالىسىن جەڭٸلدەتۋ ٷشٸن باعدارشامداردىڭ جۇمىس رەجيمدەرٸ تٷزەتٸلٸپ, قوزعالىس قارقىندى ۋچاسكەلەردە سولعا بۇرىلۋعا شەكتەۋ قويىلعان. ونىڭ ورنىنا بالامالى كەرٸ بۇرىلۋ ورىندارى ۇيىمداستىرىلۋدا.
قوعامدىق كٶلٸكتٸ دامىتۋ جۇمىستارى دا جالعاسىپ جاتىر. قازٸر استانادا Bus Lane ارنايى اۆتوبۋس جولاقتارىنىڭ ۇزىندىعى 146 شاقىرىمعا جەتكەن. بۇل كٶرسەتكٸش ٶتكەن جىلمەن سالىستىرعاندا 6,6 پايىزعا ارتقان.
سوڭعى بٸرنەشە جىلدا اۆتوبۋس پاركتەرٸندەگٸ جىلجىمالى قۇرام سانى 60 پايىزعا كٶبەيٸپ, 1200-دەن 1900 اۆتوبۋسقا دەيٸن جەتكەن.
Tarlan Astana جەڭٸل رەلستٸ كٶلٸك جٷيەسٸن اۆتوبۋس مارشرۋتتارىمەن جەنە كٶلٸكتٸك-لوگيستيكالىق توراپتارمەن ينتەگراتسييالاۋ جوسپارلانىپ وتىر. 2030 جىلعا قاراي قوعامدىق كٶلٸك پايدالانۋشىلارىنىڭ ٷلەسٸن قازٸرگٸ 54 پايىزدان 60 پايىزعا دەيٸن ارتتىرۋ كٶزدەلگەن.
سونىمەن قاتار قالادا جاڭا جول جوبالارى ٸسكە اسىرىلا باستادى. №38 كٶشەنٸ ف. وڭعارسىنوۆا كٶشەسٸنەن قابانباي باتىر داڭعىلىنا دەيٸن ۇزارتۋ مەڭگٸلٸك ەل, قابانباي باتىر جەنە تۇران داڭعىلدارىنداعى كٶلٸك جٷكتەمەسٸن ازايتۋعا مٷمكٸندٸك بەرەدٸ.
قابانباي باتىر داڭعىلى بويىندا ەكٸ دەڭگەيلٸ جول سالۋ جوباسى ەزٸرلەنٸپ جاتىر. ول كٶلٸك قوزعالىسىن توقتاتپاي ۇيىمداستىرىپ, سول جاعالاۋداعى نەگٸزگٸ ماگيسترالدارعا تٷسەتٸن جٷكتەمەنٸ ازايتۋدى كٶزدەيدٸ.
سونداي-اق حۋسەين بەن تالال كٶشەسٸن ٶزەن ارقىلى ٶتەتٸن كٶپٸرمەن جالعاستىرۋ جوسپارلانعان. بۇل جوبا سول جاعالاۋ مەن «نۇرلى جول» ۆوكزالى اۋدانىن بايلانىستىراتىن قوسىمشا كٶلٸك باعىتىن قامتاماسىز ەتەدٸ.
استانادا جول-كٶلٸك جەلٸسٸن دامىتۋ جەنە جول قوزعالىسى قاۋٸپسٸزدٸگٸن ارتتىرۋ جۇمىستارى جالعاسىپ جاتىر.
