Ulttyq Bank tóraǵasynyń orynbasary Asyljan Baimaǵambetov 2025 jylǵy 6 aqpanda Senat dálizinde jýrnalisterge bergen suqbatynda Májilis depýtatynyń aqsha basyp shyǵaratyn stanokty qosý týraly usynysyna qatysty óz pikirin bildirdi, dep jazady Dalanews.kz.
Aita ketsek, keshe Májilis depýtaty Serik Egizbaev Úkimet pen Ulttyq Bankke aqsha massasynyń emissiiasyn ulǵaitý úshin batyl jáne erekshe sheshim qabyldaýdy usynǵan edi. Onyń aitýynsha, 2024 jyldyń qorytyndysy boiynsha aýylsharýashylyǵy salasynda áli kúnge deiin 296 mlrd teńgeniń sýbsidiialary tólenbegen, ony fermerler qaryz alyp japqan. Al 2025 jylǵa 110 mlrd teńge somasyna taǵy qosymsha qajettilik bar.
"Fermerler óz ótinimderiniń oryndalýyn 2 jylǵa deiin kútedi. Memleketten tólemderdiń keshigýine bailanysty olar ekinshi deńgeidegi bankterdiń qymbat nesieleri esebinen shyǵyndaryn jabýǵa májbúr, bul olardyń qarjylyq jaǵdaiyn nasharlatýda", - dep atap ótken depýtat Úkimet pen Ulttyq Bankke "aqsha joq" deýdiń ornyna aqsha basyp shyǵaratyn stanokty iske qosýdy usyndy.
Ulttyq Bank ókili bul tyǵyryqtan shyǵý amaly bola almaitynyn basa atap ótti.
"Aqsha basyp shyǵarýda kez kelgen jaǵdaida infliatsiia odan saiyn zoraia túsedi, bul kedeilerge salynatyn salyq, iaǵni ol halyqtyń eń osal tobyna qatty áser etetin bolady. Iaǵni, eńbek tabysy qunsyzdanady, orta taptyń banktegi jinaqtary qunsyzdanady mundaida. Sondyqtan bul usynys... Áli de oilaný kerek. Bul tyǵyryqtan shyǵýdyń joly emes dep sanaimyn", – dedi Aqyljan Baimaǵambetov.
Buǵan deiin Úkimet ósirýdi usynǵan qosymsha qun salyǵy aýylsharýashylyǵy salasyn qamtymaýy múmkin ekeni aitylǵan. Sondai-aq egis jumystaryna nesie berýde fermerlerge qoiylatyn talaptar qaita qarastyrylǵaly jatqanyn da habarlanǵan edik.
