AQSH Venesýela munaıynyń alǵashqy partıasyn 500 mln dollarǵa satyp úlgerdi. Bul týraly CNN Aq úı ókiline silteme jasap habarlady, dep jazady Dalanews.kz.
Onyń aıtýynsha, aldaǵy kúnder men aptalarda jańa kelisimder jasalýy kútilip otyr.
The New York Times derekkózderiniń málimetinshe, AQSH Energetıka mınıstrligi jeltoqsan aıynda Vashıngton Venesýela jaǵalaýyndaǵy sanksıaǵa ilingen barlyq tankerlerge blokada engizgennen keıin suranyssyz qalǵan 50 mln barel venesýela munaıyn satý jumystaryn úılestirip jatyr.
«Alǵashqy satý júzege asty, ári satylymdar shekteýsiz ýaqytqa deıin jalǵasady», - dedi mınıstrlik ókili basylymǵa.
AQSH-tyń Venesýelaǵa shabýyl jasap, prezıdent Nıkolas Madýrony tutqyndap, AQSH-qa áketkeninen keıin amerıkalyq kóshbasshy Donald Tramp eldiń orasan zor munaı qoryn paıdalanýdy josparlap otyrǵanyn málimdegen. Sondaı-aq ol amerıkalyq munaı kompanıalary Venesýelanyń energetıka sektoryn qalpyna keltirýge keminde 100 mlrd dollar ınvestısıa salatynyn aıtqan.
