AQSh-taǵy qalyń qar men borannyń áýresi basylmai tur. Tipti, qarly boranda 45 adam qaza tapqan, dep habarlaidy Dalanews.kz
AP málimetinshe, qaza bolǵandardyń arasynda Tehasta muz astyna túsip ketken úsh bala, sondai-aq Niý-Iork kóshelerinen tabylǵan on adam bar. Agenttik málimetinshe, bul oqiǵalar qoǵamda bilik organdarynyń áreketine, ásirese mer Zohran Mamdanidiń halyqtyń osal toptaryn qorǵaý úshin qabyldaǵan sharalaryna qatysty qyzý pikirtalas týǵyzdy.
Seisenbi keshindegi jaǵdai boiynsha 448 myńnan astam turǵyn úi men kásiporyn elektr qýatynsyz qaldy. Elektr jaryǵynyń óshýiniń jartysynan kóbi Tennessi men Missisipi shtattarynda tirkelgen.
AQSh-tyń Ulttyq meteorologiialyq qyzmeti juma jáne senbi kúnderi eldiń shyǵys bóliginde arktikalyq sýyqtyń kúsheietinin boljap otyr. Demalys kúnderi jańa qysqy daýyl soǵyp, eldiń ońtústiginde, onyń ishinde Floridada da rekordtyq deńgeide tómen temperatýralar kútiledi.
