AQSh-taǵy qarly boran saldarynan qaza tapqandar sany 30-ǵa jetti, dep habarlaidy Dalanews.kz.
Qaza bolǵandardyń qatarynda Massachýsets pen Ogaio shtattarynda qar tazalaý tehnikasy qaǵyp ketken eki adam, Arkanzas pen Tehasta shanamen syrǵanaý kezinde aýyr jaraqat alyp kóz jumǵan jasóspirimder, sondai-aq Kanzas shtatynyń Emporiia qalasynda qar astynan tabylǵan áiel bar.
Dúisenbi keshine qarai 630 myńnan astam halyq jaryqsyz qalǵan. El kóleminde 12 myńnan asa áýe reisi keiinge shegerilip nemese múlde toqtatylǵan.
Ulttyq meteorologiialyq qyzmettiń boljamynsha, aiaz aldaǵy kúnderi de saqtalady. Arktikalyq sýyq aýanyń jańa legi kelip, zardap shekken óńirlerde sýyqty odan ári kúsheitedi.
Budan bólek, sinoptikter aldaǵy demalys kúnderi AQSh-tyń Shyǵys jaǵalaýyna áser etýi múmkin jańa qysqy daýyldyń qalyptasý yqtimaldyǵyn da joqqa shyǵarmai otyr.
