AQSH-tyń saılaý júıesi kúrdeli ekeni belgili. 8 qarashada amerıkalyqtar óz daýystaryn qaǵaz júzinde naqty kandıdatqa emes, saılaýshylarǵa bergen bolatyn. Jalpy Saılaýshylar alqasynda 538 saılaýshy bar, AQSH prezıdenti atanýy úshin kandıdattarǵa saılaýshylardyń keminde 270 daýysyn jınaýy qajet edi. 40-tan astam shtattardyń nátıjesi boıynsha D.Tramp 276 daýys jınady.
Tańdalǵan saılaýshylar 19 jeltoqsan kúni Aq úıdiń jańa basshysyn saılaıdy. Bir aı ótken soń, Donald Tramp saltanatty ant qabyldaıdy jáne taıaýdaǵy tórt jylda eldi basqaratyn bolady.
Bıznesmen-mıllıarder Donald Tramp senatorlar Ted Krýzdyń jáne Marko Rýbıonyń, Ogaıo gýbernatory Djon Keısıktiń jáne basqa da otyz kandıdattardyń aldyn orap, 2016 jyly 19 shildede Respýblıkalyq partıa atynan resmı kandıdat boldy. D.Tramp saılaý sátinde AQSH-ta saılanǵan eń alǵashqy egde jastaǵy (70 jas) prezıdent bolmaq.
