اقش-تا پرەزيدەنت سايلاۋىندا دونالد ترامپ جەڭىسكە جەتتى

Dalanews 09 قار. 2016 08:08 475

اقش-تاعى پرەزيدەنت سايلاۋىنىڭ ناتيجەلەرى بەلگىلى بولدى. رەسپۋبليكالىق پارتيا اتىنان كانديدات بولعان دونالد ترامپ قاجەتتى سايلاۋشىلار داۋىسىن جينادى، دەپ حابارلادى اقش-تاعى «قازاقپارات» حاا ارناۋلى ءتىلشىسى.

اقش-تىڭ سايلاۋ جۇيەسى كۇردەلى ەكەنى بەلگىلى. 8 قاراشادا امەريكالىقتار ءوز داۋىستارىن قاعاز جۇزىندە ناقتى كانديداتقا ەمەس، سايلاۋشىلارعا بەرگەن بولاتىن. جالپى سايلاۋشىلار القاسىندا 538 سايلاۋشى بار، اقش پرەزيدەنتى اتانۋى ءۇشىن كانديداتتارعا سايلاۋشىلاردىڭ كەمىندە 270 داۋىسىن جيناۋى قاجەت ەدى. 40-تان استام شتاتتاردىڭ ناتيجەسى بويىنشا د.ترامپ 276 داۋىس جينادى.

تاڭدالعان سايلاۋشىلار 19 جەلتوقسان كۇنى اق ءۇيدىڭ جاڭا باسشىسىن سايلايدى. ءبىر اي وتكەن سوڭ، دونالد ترامپ سالتاناتتى انت قابىلدايدى جانە تاياۋداعى ءتورت جىلدا ەلدى باسقاراتىن بولادى.

بيزنەسمەن-ميللياردەر دونالد ترامپ سەناتورلار تەد كرۋزدىڭ جانە ماركو رۋبيونىڭ، وگايو گۋبەرناتورى دجون كەيسيكتىڭ جانە باسقا دا وتىز كانديداتتاردىڭ الدىن وراپ، 2016 جىلى 19 شىلدەدە رەسپۋبليكالىق پارتيا اتىنان رەسمي كانديدات بولدى. د.ترامپ سايلاۋ ساتىندە اقش-تا سايلانعان ەڭ العاشقى ەگدە جاستاعى (70 جاس) پرەزيدەنت بولماق.

ۇسىنىلعان
سوڭعى جاڭالىقتار