AQSh-ta sot Donald Tramp ákimshiliginiń "Amerika daýysy" radiosynyń jumysyn toqtatý týraly sheshimin zańsyz dep tanyp, 1042 qyzmetkerdi qaita jumysqa alýdy mindettedi, dep habarlaidy Dalanews.kz.
Sheshimdi sýdia Rois Lambert shyǵardy. Ol bilikke bir apta ishinde mediakompaniianyń jumysyn qalpyna keltirýdi tapsyrdy.
Isti "Amerika daýysy" jýrnalisteri kóterip, sóz bostandyǵy buzylǵanyn málimdegen. Sot qyzmetkerlerdi jumystan bosatý negizsiz ári zańsyz júrgizilgenin atap ótti.
Sondai-aq, AQSh-tyń ǵalamdyq media agenttiginiń basshysy Keri Leiktiń mundai sheshimdi Senattyń maquldaýynsyz qabyldaýǵa quzyreti bolmaǵany aityldy. Buǵan deiin sot qyzmetkerlerdi jumystan shyǵarýǵa ýaqytsha tyiym salǵanymen, ujymnyń basym bóligi is júzinde jumystan shettetilgen.
