اقش-تا سوت دونالد ترامپ ەكٸمشٸلٸگٸنٸڭ "امەريكا داۋىسى" راديوسىنىڭ جۇمىسىن توقتاتۋ تۋرالى شەشٸمٸن زاڭسىز دەپ تانىپ, 1042 قىزمەتكەردٸ قايتا جۇمىسقا الۋدى مٸندەتتەدٸ, دەپ حابارلايدى Dalanews.kz.
شەشٸمدٸ سۋديا رويس لامبەرت شىعاردى. ول بيلٸككە بٸر اپتا ٸشٸندە مەدياكومپانييانىڭ جۇمىسىن قالپىنا كەلتٸرۋدٸ تاپسىردى.
ٸستٸ "امەريكا داۋىسى" جۋرناليستەرٸ كٶتەرٸپ, سٶز بوستاندىعى بۇزىلعانىن مەلٸمدەگەن. سوت قىزمەتكەرلەردٸ جۇمىستان بوساتۋ نەگٸزسٸز ەرٸ زاڭسىز جٷرگٸزٸلگەنٸن اتاپ ٶتتٸ.
سونداي-اق, اقش-تىڭ عالامدىق مەديا اگەنتتٸگٸنٸڭ باسشىسى كەري لەيكتٸڭ مۇنداي شەشٸمدٸ سەناتتىڭ ماقۇلداۋىنسىز قابىلداۋعا قۇزىرەتٸ بولماعانى ايتىلدى. بۇعان دەيٸن سوت قىزمەتكەرلەردٸ جۇمىستان شىعارۋعا ۋاقىتشا تىيىم سالعانىمەن, ۇجىمنىڭ باسىم بٶلٸگٸ ٸس جٷزٸندە جۇمىستان شەتتەتٸلگەن.
