ەلەمدٸك مۇناي باعاسى كٷرت ٶسٸپ, سوڭعى تٶرت جىلداعى ەڭ جوعارى دەڭگەيٸنە جەتتٸ. ساۋدا قورىتىندىلارىنا سەيكەس, Brent ماركالى مۇنايدىڭ بٸر باررەلٸ 2022 جىلدىڭ ماۋسىمىنان بەرٸ العاش رەت 120 دوللاردان استى, دەپ حابارلايدى Dalanews.kz.
باعا بٸر سەتتە 122 دوللارعا دەيٸن كٶتەرٸلگەن. نارىقتاعى ٶسٸم دونالد ترامپتىڭ يرانعا قاتىستى مەلٸمدەمەسٸنەن كەيٸن باستالدى. ول تەگەران «يادرولىق كەلٸسٸمگە» كەلٸسپەيٸنشە, بلوكادا ساقتالاتىنىن ايتقان.
وسى مەلٸمدەمەلەردەن كەيٸن نارىق قاتىسۋشىلارى تاياۋ شىعىستاعى قاقتىعىس ۇزاققا سوزىلۋى مٷمكٸن دەگەن تەۋەكەلدەردٸ ەسەپكە الا باستادى. بۇل ٶز كەزەگٸندە ەنەرگەتيكا سەكتورىنا قىسىمدى كٷشەيتتٸ.
جاعدايدى ورمۋز بۇعازى ارقىلى ٶتەتٸن تەڭٸز تاسىمالىنىڭ قىسقارۋى دا ۋشىقتىردى. بۇل — پارسى شىعاناعىنان مۇناي مەن سۇيىتىلعان گاز جەتكٸزٸلەتٸن نەگٸزگٸ باعىتتاردىڭ بٸرٸ.
شيكٸزاتتى تاسىمالداۋداعى شەكتەۋلەر ەلەمدٸك نارىقتا تاپشىلىق بولۋى مٷمكٸن دەگەن الاڭداۋشىلىقتى ارتتىردى.
