Álemdik munai baǵasy kúrt ósip, sońǵy tórt jyldaǵy eń joǵary deńgeiine jetti. Saýda qorytyndylaryna sáikes, Brent markaly munaidyń bir barreli 2022 jyldyń maýsymynan beri alǵash ret 120 dollardan asty, dep habarlaidy Dalanews.kz.
Baǵa bir sátte 122 dollarǵa deiin kóterilgen. Naryqtaǵy ósim Donald Tramptyń Iranǵa qatysty málimdemesinen keiin bastaldy. Ol Tegeran «iadrolyq kelisimge» kelispeiinshe, blokada saqtalatynyn aitqan.
Osy málimdemelerden keiin naryq qatysýshylary Taiaý Shyǵystaǵy qaqtyǵys uzaqqa sozylýy múmkin degen táýekelderdi esepke ala bastady. Bul óz kezeginde energetika sektoryna qysymdy kúsheitti.
Jaǵdaidy Ormýz buǵazy arqyly ótetin teńiz tasymalynyń qysqarýy da ýshyqtyrdy. Bul — Parsy shyǵanaǵynan munai men suiytylǵan gaz jetkiziletin negizgi baǵyttardyń biri.
Shikizatty tasymaldaýdaǵy shekteýler álemdik naryqta tapshylyq bolýy múmkin degen alańdaýshylyqty arttyrdy.
