AQSH, Iran jáne birqatar óńirlik deldal elder yqtımal 45 kúndik atysty toqtatý kelisimin talqylap jatyr, dep habarlaıdy Dalanews.kz.

Bul bastama qaqtyǵysty tolyq aıaqtaýǵa jol ashýy múmkin, dep jazady Axios basylymy derekkózderge silteme jasap.

Málimetterge sáıkes, kelissózder Pákistan, Mysyr jáne Túrkıa elderiniń deldaldyǵymen ótip jatyr. Sonymen qatar, baılanys AQSH prezıdentiniń arnaıy ókili Stıv Ýıtkoff pen Irannyń syrtqy ister mınıstri Abbas Arakchı arasynda mátindik habarlamalar arqyly da júrgizilip jatyr.

Alaıda derekkózderdiń aıtýynsha, aldaǵy 48 saǵat ishinde ishinara kelisimge qol jetkizý yqtımaldyǵy tómen.