AQSh pen Qytai 2020 jyldyń naýryzynan beri alǵash ret tirkelgen qor indeksteriniń eń qatty quldyraýyna ákelip soqtyrǵan saýda qaqtyǵysynyń jańa belesine aiaq basty. Álemdik naryqtarǵa sholýynda BBC Invest osyndai qorytyndy jasady, dep habarlaidy Dalanews.kz.
Donald Tramp 2 sáýirde saýda balansy tapshylyǵy máselesin ilik ete otyryp, 185-ten astam eldiń import taýarlaryna qosymsha baj salyǵyn engizdi. Kóp oilanyp jatpastan, 10 sáýirden bastap Qytai amerikalyq taýarlarǵa 34% tarif belgilep, shaǵylystyrý tásili boiynsha birden jaýap qaiyrdy.
"Saldarynan qor birjalarynyń indekster quldyraý rejimine endi. Ásirese, halyqaralyq jetkizilim tizbegindegi kompaniialardyń (Apple, Nike, AMD) aktsiialary qatty zardap shekti, bir apta barysynda 9%-dan 14% - ǵa deiin qunyn joǵaltty. Importtyń qymbattaýyna, logistikalyq tizbektiń buzylýyna jáne tutynýshylyq belsendiliktiń tómendeý yqtimaldylyǵyna bailanysty korporatsiialardyń kirister ósimi baiaýlaýda, soǵan sáikes naryqtarda baǵa da tómendeýde. Tarifterdiń tarihi turǵyda joǵary deńgeige deiin kóterý (~20-25%) AQSh-tyń JIÓ ósý qarqynyn II toqsanda 1,5% - dan da tómen deńgeige tómendetýi múmkin", dep jazady BBC Invest.
Sondai-aq AQSh-tyń 10 jyldyq obligatsiialardyń kiristiligi de tómendeýde.
AQSh-tyń 10 jyldyq memlekettik obligatsiialarynyń kiristiligi investorlardyń qorǵanys aktivterine jappai oiysýyna bailanysty alty aida alǵash ret 4,00%-dan tómendedi. Treasuries-ke degen suranys naryqtyq týrbýlenttiligi jáne infliatsiialyq kútýlerdiń tómendeýine jaýap retinde arta túsken.
AQSh-tyń FRJ basshysy Djerom Paýell jańa tarifter "infliatsiiany aitarlyqtai arttyrady" jáne ekonomikaǵa teris qysymdy kúsheitedi dep eskertti. Sonymen birge, ol qazirgi jaǵdai FRJ-dan ikemdilikti talap etetinin jáne qysqa merzimde infliatsiia ósýi múmkin bolǵanymen, uzaq merzimde onyń da aptyǵy basylatynyn atap ótti.
"WTI fiýchersteriniń baǵasy quldyrap, 2021 jyldyń sáýirindegi tómengi shek - 60 dollardan da tómendedi, al Brent fiýchersteriniń bir barreli 63 dollardan tómen (aptasyna -15,65%) saýdalanýda. Bir aptadaǵy 15%-dan astam quldyraý 2023 jyldan bergi eń qattysy boldy. Oǵan suranys boiynsha kútýdiń kúrt tómendeýi, qor kóleminiń ósimi, sondai-aq OPEC+tiń naryqtyq jaǵdaiǵa qarsy óndiristi ulǵaitý týraly kútpegen sheshimi sebep. Jalpy, jyl basynan beri Brent markaly munai 16%-dan astam qunyn joǵaltty. Shikizat baǵasyna sezimtal sektorlar — energetika jáne ónerkásip qatty qysymǵa ushyrady. Sonymen qatar, munai baǵasynyń tómendeýi joǵary dúdamal jaǵdaida shyǵyndardy azaityp, tutynýshylyq shyǵyndardy qoldaýda tutynýshylar men keibir sektorlardyń oń jambasyna sai kelýi múmkin (kólik, bólshek saýda)".
| Aktivter | Sońǵy baǵa | Apta barysyndaǵy baǵa ózgerisi | Jyl basynan bergi baǵa ózgerisi |
S&P 500 |
5074,08 | -9,58% | -13,73% |
Dow Jones |
38 314,86 | -8,78% | -9,94% |
Nasdaq |
15,587,79 | -9,89% | -19,28% |
| KASE | 5 416,27 | -4,20% | -2,82% |
| Altyn | 3 031,36 | -3,59% | +15,00% |
| Brent Oil | 62,82 | -16,11% | -16,00% |
| BTC/USD | 75,052,0 | -9,23% | -19,96% |
