AQSh Memlekettik hatshysy Marko Rýbio men Qazaqstan Premer-Ministriniń orynbasary – Syrtqy ister ministri Murat Nurtileý Vashingtonda kezdesý ótkizdi, dep habarlaidy Dalanews.kz.
Kelissózder barysynda AQSh tarapy Qazaqstannyń táýelsizdigi, egemendigi jáne aýmaqtyq tutastyǵyna degen turaqty qoldaýyn taǵy bir márte qýattady.
Marko Rýbio men Murat Nurtileý ekijaqty saýda-sattyq pen investitsiialyq yntymaqtastyqty tereńdetý joldaryn talqylap, amerikalyq kompaniialar úshin senimdi infraqurylym men qolaily retteýshi ortanyń mańyzyn erekshe atap ótti.
“AQSh Qazaqstanmen qaýipsizdik salasyndaǵy áriptestikti keńeitýdi, C5+1 formatyndaǵy diplomatiialyq yntymaqtastyqty damytýdy, sondai-aq tehnologiia men strategiialyq mańyzdy paidaly qazbalar boiynsha ózara tiimdi kommertsiialyq múmkindikterdi qarastyrýdy jalǵastyrýǵa nietti”, — delingen Memlekettik departamenttiń baspasóz hatshysy Temmi Briýs taratqan málimette.
Eske salaiyq, buǵan deiin 12 naýryzda Premer-ministriniń orynbasary – Syrtqy ister ministri Murat Nurtileý AQSh-tyń Memlekettik hatshysy Marko Rýbiomen telefon arqyly sóilesken edi.
Syrtqy ister ministrligi baspasóz qyzmetiniń habarlaýynsha, taraptar saiasi dialog jáne ekonomikalyq bailanystardy kúsheitý jóninde pikir almasqan. Sonymen qatar strategiialyq seriktestik jaiynda sóz qozǵalǵan. Onyń qazirgi ýaqyttaǵy jai-kúii, damý bolashaǵy talqylanǵan.
Árine, qazirgi kúrdeli geosaiasi ahýaldyń nazardan tys qalmaityny túsinikti jait.
"Jahandyq qaýipsizdik jáne aimaqtyq turaqtylyqpen qatar, ózge de mańyzdy halyqaralyq jaǵdailar jóninde pikir almasý boldy", – delingen SIM baspasóz qyzmetiniń habarlamasynda.
Eki eldiń laýazymdy tulǵalary turaqty bailanys ornatý týraly ýaǵdalasqan. Ondaǵy maqsat – eki jaqty yntymaqtastyq pen seriktestik qarqynyn joǵaltpaý.
