Ýkraınadaǵy soǵystan keıin orystyń baıshykeshteriniń Batys elderindegi dúnıe-múlikteri birnen soń biri buǵattalýda.
Osy joly AQSH Abramovıchke tıesili Boeing 787-8 Dreamliner jáne Gulfstream G650ER dep atalatyn eki ushaqty paıdalaný quqyǵynan aıyrdy.
AQSH Ádilet mınıstrligi qos ushaq naýryz aıynda AQSH-tan Reseıge jetkizilip, AQSH-tyń orystarǵa qarsy salǵan eksporttyq shekteýlerin buzǵanyn anyqtaǵan.
Quny 350 mln dollar turatyn Boeing ushaǵyn (dúnıejúzindegi eń qymbat ushaq) Abramovıch Dýbaıdan Reseıge alyp qashqany málim boldy. AQSH-tyń federaldi búrosy Abramovıch bul ushaqtarǵa Kıpr, Jersı men Brıtanıanyń Vırgın araldarynda tirkelgen kompanıalary arqyly basqarǵanyn jarıa etti.
Bir qyzyǵy AQSH osyǵan deıin Abramovıchke qarsy sanksıa salmaǵan-dy. Oǵan qarasy EýroOdaq elderi shekteýler jasaǵan bolatyn. Aıtalyq, Portýgalıa bıligi Abramovıchtiń quny 10 mln eýro bolatyn úı-jaıyn satýǵa shekteý qoıǵan-dy.
Búginde Abramovıch bastaǵan 20-ǵa jýyq baıshykesh ózderine salynǵan shekteýlerge kelispeı EýroOdaq elderimen sottasyp jatqany belgili.
