Batys Qazaqstan oblysynda alaiaqtar sottaldy, dep habarlaidy dalanews.kz.
2025 jyly shildede Qaratóbe aýdanynyń prokýratýrasy WhatsApp paidalanýshylardyń qarajatyn jymqyrýmen ainalysqan topty sotqa bergen. Alaiaqtar Qazaqstan azamattarymen hat almasyp, ózderin týysqan retinde tanystyryp, túrli syltaýmen aqsha aýdartqan. Alaiaqtyq shemaǵa dropper belsendi qatysqan, onyń bank shoty arqyly shamamen 5 million teńge kóleminde aqsha shyǵarylǵan.
Sotqa deiingi tergep-tekserý barysynda olardyń 15 epizodqa qatysy bary anyqtalǵan. Jábirlenýshiler arasynda Batys Qazaqstan, Aqtóbe, Almaty, Jambyl, Qyzylorda, Túrkistan oblystarynyń, sondai-aq, Jetisý oblysy men Almaty qalasynyń turǵyndary bar.
Sot úsh alaiaqtyń barlyǵyn kináli dep tanydy. Olardyń ekeýi 3 jyldan 4 jyl 1 aiǵa deiingi merzimge bas bostandyǵynan aiyryldy, al bireýine 3 jyl merzimge bas bostandyǵyn shekteý jazasy kesildi.
Sonymen qatar, sot jábirlenýshilerdiń azamattyq talap-aryzyn tolyq qanaǵattandyrdy.
Úkim zańdy kúshine engen joq.
