باتىس قازاقستان وبلىسىندا الاياقتار سوتتالدى, دەپ حابارلايدى dalanews.kz.
2025 جىلى شٸلدەدە قاراتٶبە اۋدانىنىڭ پروكۋراتۋراسى WhatsApp پايدالانۋشىلاردىڭ قاراجاتىن جىمقىرۋمەن اينالىسقان توپتى سوتقا بەرگەن. الاياقتار قازاقستان ازاماتتارىمەن حات الماسىپ, ٶزدەرٸن تۋىسقان رەتٸندە تانىستىرىپ, تٷرلٸ سىلتاۋمەن اقشا اۋدارتقان. الاياقتىق سحەماعا دروپپەر بەلسەندٸ قاتىسقان, ونىڭ بانك شوتى ارقىلى شامامەن 5 ميلليون تەڭگە كٶلەمٸندە اقشا شىعارىلعان.
سوتقا دەيٸنگٸ تەرگەپ-تەكسەرۋ بارىسىندا ولاردىڭ 15 ەپيزودقا قاتىسى بارى انىقتالعان. جەبٸرلەنۋشٸلەر اراسىندا باتىس قازاقستان, اقتٶبە, الماتى, جامبىل, قىزىلوردا, تٷركٸستان وبلىستارىنىڭ, سونداي-اق, جەتٸسۋ وبلىسى مەن الماتى قالاسىنىڭ تۇرعىندارى بار.
سوت ٷش الاياقتىڭ بارلىعىن كٸنەلٸ دەپ تانىدى. ولاردىڭ ەكەۋٸ 3 جىلدان 4 جىل 1 ايعا دەيٸنگٸ مەرزٸمگە باس بوستاندىعىنان ايىرىلدى, ال بٸرەۋٸنە 3 جىل مەرزٸمگە باس بوستاندىعىن شەكتەۋ جازاسى كەسٸلدٸ.
سونىمەن قاتار, سوت جەبٸرلەنۋشٸلەردٸڭ ازاماتتىق تالاپ-ارىزىن تولىق قاناعاتتاندىردى.
ٷكٸم زاڭدى كٷشٸنە ەنگەن جوق.
