AQSh-tyń Iran aýmaǵyna jasaǵan jańa soqqylarynan keiin álemdik munai baǵasy óse bastady, dep habarlaidy dalanews.kz.
Naryqtaǵy negizgi alańdaýshylyq Ormýz buǵazynyń taǵdyryna bailanysty bolyp otyr. Investorlar álemdegi eń mańyzdy munai tasymaly baǵyttarynyń biri sanalatyn buǵazdyń tolyqtai ashyq kúide qalatynyna kúmán keltirip otyr.
Astana ýaqytymen saǵat 10:30-daǵy málimet boiynsha, Brent markaly munaidyń bir barreli 79,00 dollarǵa jetip, baǵasy 1,26%-ǵa ósti. Al amerikalyq WTI markaly munaidyń quny 1,31%-ǵa qymbattap, bir barreli 74,48 dollar boldy.
Eń úlken ósimdi Taiaý Shyǵysta óndiriletin Murban markaly munai kórsetti. Onyń baǵasy birden 6,67%-ǵa kóterilip, bir barreli 73,57 dollarǵa jetti.
AQSh áskeri qolbasshylyǵy Iranǵa jasalǵan shabýyldardyń maqsaty Ormýz buǵazynyń ashyq kúide jumys isteýin qamtamasyz etý ekenin málimdep otyr. Alaida naryq bul málimdemege kerisinshe reaktsiia tanytyp, munai baǵasynyń ósýine yqpal etti.
