AQSh áskeri-áýe kúshteri Iranǵa qarsy soqqylaryn kúsheitý aiasynda sońǵy kúnderi Taiaý Shyǵysqa qosymsha 20-dan astam joiǵysh ushaq ornalastyrdy. Bul týraly Itamilradar portaly málimdedi, dep habarlaidy dalanews.kz.
Málimetke sáikes, aimaqtaǵy áskeri bazalarǵa Ulybritaniiadaǵy Leikenhit, Italiiadaǵy Aviano jáne Germaniiadaǵy Shpangdalem áýe bazalarynan joiǵysh ushaqtar jetkizilgen.
Itamilradar dereginshe, óńirge keminde toǵyz besinshi býyndaǵy F-35A stels-joiǵyshy, alty F-15E jáne jeti F-16 joiǵysh ushaǵy jiberilgen. Onyń ishinde F-16 ushaqtary Iordaniiadaǵy Mývaffak Salti áýe bazasyna qonǵan.
AQSh-tyń bul qadamy Vashingtonnyń Iranǵa qatysty áskeri operatsiialaryn kúsheitýimen tuspa-tus kelip otyr.
