AQSh pen Izrail aldaǵy kúnderi Irannyń energetikalyq infraqurylymyna qarsy aýqymdy áskeri operatsiia ótkizýi múmkin. Bul týraly CBS News amerikalyq derekkózderge silteme jasap habarlady, dep habarlaidy dalanews.kz.
Aqparatqa sáikes, yqtimal soqqylar Irannyń elektr stantsiialary men munai óńdeý zaýyttaryna baǵyttalýy múmkin. Operatsiia birneshe kúnge sozylady degen boljam bar.
The Wall Street Journal basylymynyń málimetinshe, operatsiiany bastaý týraly sheshim qabyldanǵan jáne áskeri is-qimyl osy demalys kúnderi bastalýy yqtimal. Aq úi Iranǵa qysymdy kúsheitý arqyly ony kelissózderge nemese talaptardy qabyldaýǵa itermeleýdi kózdep otyr.
Sonymen qatar, jariialanǵan málimetterge qaramastan, Aq úi yqtimal operatsiianyń egjei-tegjeiin resmi túrde rastaǵan joq. Sarapshylar jaǵdaidyń óte qubylmaly ekenin jáne sońǵy sheshim kez kelgen sátte ózgerýi múmkin ekenin atap ótýde.
