Álemdik munai naryǵynda baǵa tómendep jatyr. Investorlar Iran men AQSh arasyndaǵy kezekti kelissózderge jáne Ormýz buǵazy mańyndaǵy ahýalǵa nazar aýdaryp otyr, dep habarlaidy dalanews.kz.
Londondaǵy ICE Futures birjasynda Brent markaly munaidyń tamyz aiyndaǵy fiýchersteri Máskeý ýaqytymen saǵat 08:20-daǵy jaǵdai boiynsha barreline 72,26 dollardy qurady. Bul aldyńǵy saýda-sattyqtaǵy jabylý baǵasynan 0,89 dollarǵa (1,22%) tómen.
Búgin Brent-tiń tamyz aiyna arnalǵan kelisimsharttarynyń birjadaǵy ainalym merzimi aiaqtalady. Al qyrkúiek aiyndaǵy, belsendi saýdalanatyn fiýchersterdiń baǵasy 0,45 dollarǵa (0,61%) tómendep, barreline 73,46 dollar boldy.
Sonymen qatar Niý-Iork taýar birjasyndaǵy (NYMEX) elektrondy saýdada WTI markaly munaidyń tamyz aiyndaǵy fiýchersteri de arzandady. Onyń baǵasy 0,67 dollarǵa (0,95%) tómendep, barreline 70,08 dollar.
