22 jastaǵy Aqnár Gúlstannyń qazasyna qatysty tergeý áli aiaqtalǵan joq. Bul týraly Senat dálizinde ishki ister ministriniń orynbasary Sanjar Ádilov málimdedi, dep habarlaidy dalanews.kz.
Onyń aitýynsha, isti tergeýge asa mańyzdy ister jónindegi tájiribeli tergeýshi tartylǵan. Sonymen qatar, saraptama qorytyndylary men qylmystyq is materialdarynyń bir bóligi halyqaralyq tergeý tapsyrmasy aiasynda Qytaiǵa joldanǵan.
Sanjar Ádilovtiń sózinshe, qazir IIM Qytai tarapynan jaýap kútip otyr. Tergeý barysynda ázirge eshkim kúdikti dep tanylmaǵan.
Eske salaiyq, Aqnár Gúlstan 2024 jyly 20 shildede Almatydaǵy turǵyn úi keshenderiniń birinde jetinshi qabattyń terezesinen qulap kóz jumǵan edi.
Marqumnyń týystary onyń óz-ózine qol jumsaǵanyna senbeidi. Olar bul oqiǵany adam óltirý jáne azaptaý derekteri boiynsha tekserýdi talap etip keledi.
