Aqmola oblysy Qorǵaljyn aýdanyndaǵy meshitte gaz jarylyp, úsh adam qaza tapty, - dep habarlaidy Dalanews.kz.
Tótenshe jaǵdai Sabyndy aýylyndaǵy burynǵy aýyldyq meshit ǵimaratynda jerleý rásimi ótip jatqan jerde boldy.
Oblystyq tótenshe jaǵdailar qyzmetiniń habarlaýynsha, gaz-aýa qospasy jarylyp, keiin opyrylǵan. Oqiǵa ornyna dereý jetken qutqarýshylar alty gaz ballonyn shyǵardy. Jalpy ǵimaratta jeti gaz ballony bolǵan.
Oqiǵa saldarynan 1978 jyly týǵan er adam qaitys boldy. Úiindi astynan qutqarýshylar 1983 jyly týǵan áiel men 2012 jyly týǵan balanyń denesin tapty.
Jedel járdem brigadasy zardap shekken 16 adamdy Astana qalalyq aýrýhanasyna jetkizdi.
"Qazir qutqarýshylar úiindilerdi tazartyp jatyr. Oblystyq tótenshe jaǵdailar departamentinen jeke quramnyń 30-ǵa jýyq adamy men 5 birlik tehnikasy, sondai-aq jedel-qutqarý jasaǵy, apattar meditsinasy ortalyǵy, onyń ishinde psihologtar, qalanyń kinologiialyq qyzmeti bar", - dep habarlady Aqmola oblysy Tótenshe jaǵdailar qyzmetiniń baspasóz qyzmeti.
Aqmola oblysy Tótenshe jaǵdailar departamentiniń bazasynda jedel shtab quryldy, senim telefony 8 716 25 20950.
