اقمولا وبلىسى قورعالجىن اۋدانىنداعى مەشٸتتە گاز جارىلىپ, ٷش ادام قازا تاپتى, - دەپ حابارلايدى Dalanews.kz.
تٶتەنشە جاعداي سابىندى اۋىلىنداعى بۇرىنعى اۋىلدىق مەشٸت عيماراتىندا جەرلەۋ رەسٸمٸ ٶتٸپ جاتقان جەردە بولدى.
وبلىستىق تٶتەنشە جاعدايلار قىزمەتٸنٸڭ حابارلاۋىنشا, گاز-اۋا قوسپاسى جارىلىپ, كەيٸن وپىرىلعان. وقيعا ورنىنا دەرەۋ جەتكەن قۇتقارۋشىلار التى گاز باللونىن شىعاردى. جالپى عيماراتتا جەتٸ گاز باللونى بولعان.
وقيعا سالدارىنان 1978 جىلى تۋعان ەر ادام قايتىس بولدى. ٷيٸندٸ استىنان قۇتقارۋشىلار 1983 جىلى تۋعان ەيەل مەن 2012 جىلى تۋعان بالانىڭ دەنەسٸن تاپتى.
جەدەل جەردەم بريگاداسى زارداپ شەككەن 16 ادامدى استانا قالالىق اۋرۋحاناسىنا جەتكٸزدٸ.
"قازٸر قۇتقارۋشىلار ٷيٸندٸلەردٸ تازارتىپ جاتىر. وبلىستىق تٶتەنشە جاعدايلار دەپارتامەنتٸنەن جەكە قۇرامنىڭ 30-عا جۋىق ادامى مەن 5 بٸرلٸك تەحنيكاسى, سونداي-اق جەدەل-قۇتقارۋ جاساعى, اپاتتار مەديتسيناسى ورتالىعى, ونىڭ ٸشٸندە پسيحولوگتار, قالانىڭ كينولوگييالىق قىزمەتٸ بار", - دەپ حابارلادى اقمولا وبلىسى تٶتەنشە جاعدايلار قىزمەتٸنٸڭ باسپاسٶز قىزمەتٸ.
اقمولا وبلىسى تٶتەنشە جاعدايلار دەپارتامەنتٸنٸڭ بازاسىندا جەدەل شتاب قۇرىلدى, سەنٸم تەلەفونى 8 716 25 20950.
