Aqmola oblysynyń Atbasar aýdanynda birneshe turǵyn sibir jarasyn juqtyrdy. Bul aqparatty Densaýlyq saqtaý ministri Aqmaral Álnazarova rastady,- dep habarlaidy Dalanews.kz
Ministrdiń aitýynsha, jaǵdai vedomstvonyń qatań baqylaýynda. Qazir mamandar tiisti epidemiiaǵa qarsy sharalardy júrgizip jatyr.
– Barlyq profilaktikalyq jáne epidemiologiialyq is-sharalar atqarylyp jatyr. Naýqastardyń jaǵdaiy – ortasha aýyr. Qajetti em qabyldap jatyr, – dedi Aqmaral Álnazarova Parlamenttiń birlesken otyrysynan keiin jýrnalisterge bergen suhbatynda.
Ministrdiń málimetinshe, aýdan boiynsha karantin jariialanbaidy.
– Zalaldanǵan et ónimderi tolyǵymen tárkilendi. Bul baǵytta Densaýlyq saqtaý jáne Aýyl sharýashylyǵy ministrlikteri birlesip jumys isteýde, – dedi vedomstvo basshysy.
Aita keteiik, sibir jarasy – asa qaýipti juqpaly aýrýlardyń biri. Ol kóbinese mal ónimderi arqyly taraidy.
