Aqmola oblysynda prokýratýra 78 mln teńge somasyna memleket qarajaty zańsyz jumsalýyna jol bermedi, - dep habarlaıdy Dalanews.kz.

Qalanyń bilim berý mekemesi 78 mln teńge somasyna búdjet qarajaty esebinen shatyrdy jóndeýdi josparlaǵan. Alaıda qala prokýratýrasy mektep ǵımaratynyń bir jarym jyl buryn ǵana paıdalanýǵa berilgenin jáne kepildik qyzmetinde turǵanyn anyqtady.

"Sáıkesinshe jóndeý jumystary merdiger esebinen júrgizilýge tıis. Prokýratýra engizgen qadaǵalaý aktiniń nátıjeleri boıynsha memlekettik satyp alýdyń kúshi joıyldy", - dep jazylǵan habarlamada.

Kináli adamdar zańda belgilengen jaýapqa tartyldy, al tıimsiz josparlanǵan búdjet qarajaty basqa da áleýmettik baǵdarlamalardy júzege asyrýǵa baǵyttaldy.  

"Osy baǵyttaǵy jumys jalǵasyp jatyr", - dep jazylǵan habarlamada.