Aqmola oblysynyń prokýratýrasy «ArtSport» memlekettik baǵdarlamasyn iske asyrý barysynda zań buzýshylyqtardy anyqtady, dep habarlaidy Dalanews.kz.
Kókshetaý qalasynyń prokýratýrasy júrgizgen taldaý nátijesinde balalardyń sabaqqa qatysýyn esepke alý bóliginde memlekettik sporttyq tapsyrys boiynsha jariia oferta talaptarynyń buzylǵanyn anyqtady.
2023 jylǵy mamyr aiynan 2024 jylǵy qyrkúiek aiyna deiingi kezeńde jeke kásipker alty balanyń sabaqtarǵa qatysýyn jalǵan kórsetkeni, al bul balalardyń is júzinde sektsiialarǵa barmaǵany anyqtaldy.
Azamatsha N. jeke kásipker retinde tirkelip, «ArtSport» baǵdarlamasyna qatysý quqyǵyn alǵan jáne vaýcherlik qarjylandyrý arqyly sabaqqa qatysý tabelderin jáne kórsetilgen qyzmetter aktilerin jalǵan toltyrǵan. Sonyń negizinde memlekettik biýdjetten onyń esepshotyna aqsha qarajattary aýdarylǵan.
Nátijesinde memleketke 1,4 mln teńgeden astam mólsherde zalal keltirildi.
Atalǵan fakt boiynsha qylmystyq is qozǵaldy.
Qalalyq sottyń úkimimen azamatsha N. biýdjet qarajatyn jymqyrǵany úshin (QRQK 190-baby) kináli dep tanylyp, 2 jylǵa bas bostandyǵyn shekteý jazasyna, sondai-aq 3 jyl merzimge materialdyq jaýapty laýazymdardy atqarý quqyǵynan aiyrýǵa sottaldy7
