اقمولا وبلىسىنىڭ پروكۋراتۋراسى «ArtSport» مەملەكەتتٸك باعدارلاماسىن ٸسكە اسىرۋ بارىسىندا زاڭ بۇزۋشىلىقتاردى انىقتادى, دەپ حابارلايدى Dalanews.kz.
كٶكشەتاۋ قالاسىنىڭ پروكۋراتۋراسى جٷرگٸزگەن تالداۋ نەتيجەسٸندە بالالاردىڭ ساباققا قاتىسۋىن ەسەپكە الۋ بٶلٸگٸندە مەملەكەتتٸك سپورتتىق تاپسىرىس بويىنشا جارييا وفەرتا تالاپتارىنىڭ بۇزىلعانىن انىقتادى.
2023 جىلعى مامىر ايىنان 2024 جىلعى قىركٷيەك ايىنا دەيٸنگٸ كەزەڭدە جەكە كەسٸپكەر التى بالانىڭ ساباقتارعا قاتىسۋىن جالعان كٶرسەتكەنٸ, ال بۇل بالالاردىڭ ٸس جٷزٸندە سەكتسييالارعا بارماعانى انىقتالدى.
ازاماتشا ن. جەكە كەسٸپكەر رەتٸندە تٸركەلٸپ, «ArtSport» باعدارلاماسىنا قاتىسۋ قۇقىعىن العان جەنە ۆاۋچەرلٸك قارجىلاندىرۋ ارقىلى ساباققا قاتىسۋ تابەلدەرٸن جەنە كٶرسەتٸلگەن قىزمەتتەر اكتٸلەرٸن جالعان تولتىرعان. سونىڭ نەگٸزٸندە مەملەكەتتٸك بيۋدجەتتەن ونىڭ ەسەپشوتىنا اقشا قاراجاتتارى اۋدارىلعان.
نەتيجەسٸندە مەملەكەتكە 1,4 ملن تەڭگەدەن استام مٶلشەردە زالال كەلتٸرٸلدٸ.
اتالعان فاكت بويىنشا قىلمىستىق ٸس قوزعالدى.
قالالىق سوتتىڭ ٷكٸمٸمەن ازاماتشا ن. بيۋدجەت قاراجاتىن جىمقىرعانى ٷشٸن (قرقك 190-بابى) كٸنەلٸ دەپ تانىلىپ, 2 جىلعا باس بوستاندىعىن شەكتەۋ جازاسىنا, سونداي-اق 3 جىل مەرزٸمگە ماتەريالدىق جاۋاپتى لاۋازىمداردى اتقارۋ قۇقىعىنان ايىرۋعا سوتتالدى7
