Emhana qurylysy Memleket basshysynyń 2024 jylǵy tamyz aiynda Qosshy qalasyna jasaǵan jumys sapary barysynda bastaý alǵan bolatyn. Densaýlyq saqtaý mekemesi bir aýysymda myń adamdy qabyldai alady, dep habarlaidy Dalanews.kz
Emhana alǵashqy meditsinalyq-sanitarlyq, shuǵyl, josparly, mamandandyrylǵan jáne joǵary tehnologiialyq meditsinalyq kómek kórsetýge arnalǵan zamanaýi joǵary tehnologiialyq jabdyqtarmen qamtylǵan. Meditsinalyq mekeme Qosshy qalasynyń 100 myńnan astam turǵynyna qyzmet kórsetedi.
Jobanyń investory – «VIAMEDIS KOSSHY» JShS, jalpy quny shamamen 30 mlrd teńgeni quraidy. Joba memlekettik biýdjetten qarjy bólinbei, kompaniianyń jeke qarajaty esebinen tolyqtai júzege asyryldy.
Densaýlyq saqtaý ministri Aqmaral Álnazarova Qosshy turǵyndaryn qala ómirindegi mańyzdy oqiǵamen quttyqtap, emhana ujymyna sáttilik tiledi.
Jyl sońyna deiin 350 tósek-orynǵa arnalǵan statsionardyń qurylysy aiaqtalady dep josparlanýda, onyń ishinde Qosshy qalasy men Aqmola oblysynyń Shortandy, Ereimentaý, Egindikól, Arshaly, Qorǵaljyn, Tselinograd jáne Astrahan aýdandary turǵyndaryna arnalǵan 50 reabilitatsiialyq tósek qarastyrylǵan. Jalpy emhana men statsionarda 700-den astam turaqty jumys orny ashylady. Sondai-aq investor meditsinalyq qyzmetkerlerge arnalǵan pansionat pen turǵyn úi salýdy josparlap otyr.
«Emhana halyqaralyq standarttarǵa sai salynǵan. Qurylys bastalǵan sátten bastap biz reanimatsiialyq jáne reabilitatsiialyq bólimshelerge qajetti jabdyqtar boiynsha óz usynystarymyzdy berdik. Bul jobanyń bolashaǵy zor», – dep pikir bildirdi «Eńbek eri» ataǵynyń iegeri, joǵary sanatty neirohirýrg-dáriger, meditsina ǵylymdarynyń doktory, Serik Aqsholaqov
Aita keteiik, sońǵy eki jylda Aqmola oblysynda 38 meditsinalyq nysan salyndy. Bul aýyldyq eldi mekenderdiń 75 myńnan astam turǵynyna meditsinalyq kómekke qoljetimdilikti qamtamasyz etti. Iri jobalardyń biri – Birjan sal aýdanynda salynǵan kópsalaly aýdanaralyq aýrýhana. Sonymen qatar Atbasar aýdandyq aýrýhanasynyń negizgi korpýsy kúrdeli jóndeýden ótti, Kókshetaý qalasynda 630 tósek-orynǵa arnalǵan kópsalaly aýrýhananyń qurylysy júrgizilýde, oblystyq balalar aýrýhanasynyń alty qabatty korpýsy jóndeýi júrgizilýde, «Bolashaq» ońaltý ortalyǵynyń kúrdeli jóndeýi aiaqtaldy.
