– Júz jyldyq tarihy bar bul internatta búkil Shyǵys Qazaqstannyń barlyq óńirinen qazaq balalary oqý oqyp, bilim nárimen sýsyndady desem boldy. Sonymen qatar bul mektep Keńes zamanynda Óskemendegi jalǵyz qazaq mektebi bolǵan. Qazaq balalaryn ana tilinde bilim alýyna múmkindik berdi. Bul mektepten «Aq jol» demokratiialyq partiiasy tóraǵasynyń orynbasary, QR Parlament Májilisiniń depýtaty Berik Dúisembinov bilim alǵan, – dep atap ótti Azat Turlybekuly.
Mektep búginde óziniń shákirtterin ǵana emes, Qanipa Bitibaeva sekildi ustazdaryn da maqtana alady. Ol – myńdaǵan balalar men qyzdardyń qazaq tili men ádebietine degen mahabbatyn oiatyp, Abai, Shákárim, Muhtar Áýezov jáne basqa da klassikterdiń shyǵarmalarymen sýsyndatqan maitalman ustaz.
(Material aqysy «Aq jol» partiiasynyń sailaý qory qarjysy esebinen tólendi)
