«Aq jol» Demokratıalyq partıasynyń tóraǵasy Azat Perýashev úgit-nasıhat jumystarymen Óskemen qalasyna baryp, J.Jabaı atyndaǵy qazaq mektep-ınternatynyń ustazdarymen kezdesip, saıası uıymnyń ustanymy men alǵa qoıǵan maqsaty jaıyn túsindirdi. Atalmysh mektep elimizge aty keńinen tanymal bolǵan bilim ordasy. Júz jyldyq tarıhy bar mekteptiń shákirtteri qazirgi tańda elimizdiń túrli salasynda eńbek etip, elimizdiń ósip-órkendeýi úshin jumys isteýde.

– Júz jyldyq tarıhy bar bul ınternatta búkil Shyǵys Qazaqstannyń barlyq óńirinen qazaq balalary oqý oqyp, bilim nárimen sýsyndady desem boldy. Sonymen qatar bul mektep Keńes zamanynda Óskemendegi jalǵyz qazaq mektebi bolǵan. Qazaq balalaryn ana tilinde bilim alýyna múmkindik berdi. Bul mektepten «Aq jol» demokratıalyq partıasy tóraǵasynyń orynbasary, QR Parlament Májilisiniń depýtaty Berik Dúısembınov bilim alǵan, – dep atap ótti Azat Turlybekuly.

Mektep búginde óziniń shákirtterin ǵana emes, Qanıpa Bitibaeva sekildi ustazdaryn da maqtana alady. Ol – myńdaǵan balalar men qyzdardyń qazaq tili men ádebıetine degen mahabbatyn oıatyp, Abaı, Shákárim, Muhtar Áýezov jáne basqa da klasıkterdiń shyǵarmalarymen sýsyndatqan maıtalman ustaz.

Óz kezeginde «Aq jol» partıasynyń jetekshisi Azat Perýashev myrza saıası uıymnyń elimizdegi bilim berý salasyn jan-jaqty damýyna barynsha yqpal etetinin alǵa tartty. Sonymen qatar saılaýshylardyń qoıǵan suraqtaryna jaýap berdi.

(Materıal aqysy «Aq jol» partıasynyń saılaý qory qarjysy esebinen tólendi)