Sharada ólketaný bóliminiń kitaphanashysy Kósherbaiqyzy Aqniet aqynnyń ómir men tyń týyndylaryn jáne shyǵarmalary týraly málimet berdi. Shara barysynda aqynnyń qalamynan týǵan «Afina mektebi», «Sony suhbattar», «Soǵystyń sońǵy jazy» «Aqtóbe kitaphanasy» seriiasynyń on besinshi tomyndaǵy Ótejan Nurǵalievtiń óleńderi jinaqtalǵan kitap týraly jáne Aiqyn gazetiniń №112, 2018 jyly jariialanǵan «Órminezdi Ótaǵań» maqalasynda Ótejan Nurǵalievtiń týǵanyna 80 jyl tolatynyn soǵan orai, aqyndar Baibota Qoshym-Noǵai, Baýyrjan Babajanuly áleýmettik jelilerde aqynnyń óleńderimen balladalaryn jáne aqyn týraly estelikterdi jariialap otyrý jaiynda aityp ótti. Jáne de «Ańyz adam» jýrnalynyń №17, 2017 jyly jariialanǵan aqyn týraly derekter, ápkesinen alynǵan suhbattary aityldy. Ótejan Nurǵaliev ómirdiń týrashyldyǵyn, ashy shyndyǵyn esh jasyrmastan, qoryqpastan aitýy onyń eline, jerine degen adaldyǵynan. Osyndai týra minezdiliginen barlyq syidan ataqpen dańqtan qaǵyldy.
Alaida halyq ony qoldap, halqynyń qoshemetine iltipatyna ie boldy. Aqynnyń jaqyn dostarynyń biri Sábit Dosanov «Ótejan qazaqtyń óte sirek qaitalanatyn, talantty aqyndarynyń biri edi. Biz Ótekeń ekeýmiz talai saparlarǵa birge shyqtyq. Qostanaida, odan Aqtóbeniń Baiǵanin aýdanynda bolatynbyz. Ádebietke árkim ár túrli keledi ǵoi, bireý jailap, birtindep keledi, bireý bet qaratpai ekpindep keledi. Al Ótejan ádebietke birden qalyptasqan aqyn bolyp keldi.Ótekeń ózi minezi keide shálkem-shalystaý, asaýlaý aqyn bolatyn» dep eske alady.
Sondai-aq «Oqityn ólke» oblystyq aktsiiasy aiasynda kitaphanada jyl basynan beri aqyn Ótejan Nurǵalievke túrli sharalar, jyljymaly kitap kórmeleri, taqyryptyq keshter ótkizilip kele jatyr.
Aldaǵy ýaqytta da osy sezimtal, ór minezdi, týrashyl, týmysy bólek óleń súier qaýymnyń súiikti aqyndarynyń biri, halqymyzdyń birtýar perzetteriniń biri Ótejan Nurǵalievtiń shyǵarmalaryn birigip oqýǵa shaqyramyz!
Aqniet Kósherbaiqyzy, S.Jienbaev atyndaǵy
oblystyq jasóspirimder itaphanasynyń kitaphanashysy.
