Túrkistan oblysy Sairam aýdanyndaǵy Aqbulaq aýylynyń turǵyndary aýyl ishindegi joldarmen qatynaityn aýyr júk kólikterine qatysty alańdaýshylyq bildirýde, dep habarlaidy dalanews.kz.
Áleýmettik jelilerde taraǵan beinejazbalarda turǵyndar kúndiz-túni toqtaýsyz júretin júk kólikteriniń aýyl tynyshtyǵyn buzyp otyrǵanyn aitady. Olardyń sózinshe, aýyr tehnikalardan shyǵatyn qatty shý turǵyndarǵa qolaisyzdyq týǵyzyp, ásirese túngi ýaqytta tynyǵýǵa kedergi keltirýde.
Sondai-aq aýyl turǵyndary aýyr júk kólikteriniń jii qatynaýy joldardyń tez tozýyna áser etip jatqanyn alǵa tartady. Olar bul máselege jaýapty memlekettik organdar nazar aýdaryp, tiisti sharalar qabyldaýyn suraidy.
Aita keteiik, Aqbulaq aýylyndaǵy aýyr júk kólikteriniń qozǵalysyna qatysty másele buǵan deiin de kóterilgen. 2021 jyly turǵyndar karerlerden tas tasityn tehnikalardyń aýyl ishindegi joldardy búldirip jatqanyn aityp, narazylyq bildirgen bolatyn.
Qazirgi ýaqytta atalǵan máselege qatysty jaýapty mekemelerdiń resmi túsiniktemesi jariialanǵan joq.
