Birinshi bolyp úgit toby oblystaǵy eń iri «Modisal» jihaz tsehine taban tiredi. Alpysqa jýyq adamdy jumyspen qamtyp, óz kásibin joqtan bastaǵan tseh basshysy Álihan Jumashev «Aq jol» atynan bir mandattyq júie boiynsha qalalyq máslihat depýtattyǵyna usynǵan azamat ekenin de atap ótken jón. Búginde sharýasy órge basqan kásiporyn óz ónimin tek respýblika boiynsha emes, Oralǵa kórshiles jatqan Reseidiń bes oblysyna taýar jetkizýdi kózdeidi.
Tseh jumysymen tanysqan shtab ókilderi jas kásipkerge aldaǵy sailaýda sáttilik tilep, partiianyń aldaǵy ýaqytta da otandyq óndirisshilerdi qoldaý baǵytyndaǵy jumystary jalǵasa beretinin aitty.
Munan soń, úgit-nasihat toby belsendileri Oral Transformator zaýytyna bardy. Aýysymynda 250-ge jýyq adam jumys jasaityn iri kásiporyn eldegi transformator shyǵaratyn biregei óndiris oryndarynyń biri. Alys-jaqyn sheteldermen tyǵyz bailanys ornatqan zaýyt óz ónimin eksportqa shyǵarady.
Kásiporyn jumysymen jaqyn tanysyp, qyzmetkerler suraǵyna jaýap bergen partiia tóraǵasy Azat Perýashev mundai zamanaýi, tehnologiialyq zaýyttardyń el ekonomikasyna qosatyn úlesi zor ekenin aityp, memleketten olarǵa jan-jaqty qoldaý kerektigin atap ótti.
Al, Qazybek Isa óz sózinde ulttyq múdde saltanat qurǵan elde, kásiptiń de damýy zańdylyq ekenin aita kele, «ol úshin sailaýǵa belsendi qatysyp, óz daýysyńdy berý kerek» dep oiyn túiindedi.
Úgit-nasihat toby ujymymen ashyq áńgime órbitip, zaýyt qyzmetkerleriniń suraqtaryna jaýap berdi. Kezdesýge qatysqandardyń kóbisi jastar. Jinynda aýyldan kelgen jastardy úimen qamtý, shetelge jemqorlar shyǵarǵan qarajatty elge qaitarý, nesie paiyzdaryn azaitý, azyq-túlik baǵalarynyń turaqtylyǵy siiaqty taqyryptar talqylandy.
Sonymen birge, «Aq jol» partiiasynyń Respýblikalyq úgit-nasihat toby Oraldaǵy iri «Siti tsentr» saýda oiyn-saýyq ortalyǵyna bardy.
Shahardyń ortalyǵynda ornalasqan «Siti tsentr» saýda oiyn-saýyq ortalyǵy qazirgi tańda 350 kásipkerge saýda ornyn berip, 300 ge jýyq adamdy jumyspen qamtyp otyr. Qala turǵyndarymen qonaqtarynyń jii baratyn súiikti orny desekte bolady.
Partiia jumysyn, saiasi baǵyt baǵdaryn tanystyrýshy úgit-nasihat toby osy ortalyq jumysshylarymen kezdesti.
Kezdesý patriottyq áýenmen bastalyp, ózgeristi qalaǵan jurtshylyqqa áigili Viktor Tsoidyń «My jdem peremen» áni jurtqa jaqsy áser etkeniń jarqyn shapalaqtarynan baiqaýǵa bolady.
Sailaýaldy uranynyń ózi «Túbegeili ózgerister qajet!» ekeniń alty Alashqa aishyqtaǵan «Aq jol» partiiasynyń saiasi baǵyt baǵdaryn jáne ideologiiasy jaiynda Azat Turlybekuly men Qazybek Jarylqasynuly jiylǵan jurtqa ashyp aitty.
Saýda salasynda júrgen kishi kásipkerlerdi tolǵandyrǵan nesie máselesi, ekonomikalyq zańdarǵa ózgerister eńgizý jáne kókeiinde júrgen usynystaryna tushymdy jaýap alǵanyna kýá boldyq. Shtab ókilderi Aqjaiyq jurtshylyǵyna óz tańdaýlaryn sanaly túrde jasap, Qazaqstandy birge damytýǵa shaqyrdy.
Aqjaiyq halyqymen tildesýdi «aqjoldyqtar» Qadyr Myrza Áli atyndaǵy mádeniet jáne óner ortalyǵynda ziialylarmen kezdesip qorytyndylady.
Úgit-nasihat tobyndaǵy aqyn, qoǵam qairatkeri, QR Parlamenti Májilisiniń depýtattyǵyna kandidat Qazybek Isamen kezdesý ótti.
Ortalyq direktory Baýyrjan Haliolla jinalǵan qaýymǵa tanymal qalamger jóninde az-kem maǵlumat berdi. Onyń el ishindegi túitkildi máselelerdiń sheshimin tabý jolyndaǵy eńbeginiń zor ekenin, ásirese, til taǵdyryna qatty alańdap, shyr-pyr bolyp júrgenin de tilge tiek etti.
Batys Qazaqstan oblysyna kelip turǵasyn, Qadyr ortalyǵymen tanysýdy kerek dep sheshtim. El igiligi úshin ter tógip júrmiz. Aldaǵy ýaqytta atqarylatyn jumys jeterlik.
Kez kelgen memlekettiń memlekettik tili bolýy tiis. «Memlekettik tildi bilý – Qazaqstannyń árbir azamatynyń paryzy jáne mindeti» dep QR Prezidenti Qasym-Jomart Toqaev ta aitqan bolatyn. Biz talap ete bilýimiz qajet. Bizdiń mindetimiz – zańdy qabyldatý. Ózderińizben kezdeskenime bek qýanyshtymyn. Elimiz aman, jurtymyz tynysh bolsyn! – dedi Qazybek Isa.
Baýyrjan Ergenuly arnaiy ýaqyt taýyp, Qadyr ortalyǵyna bas suqqan qadirli qonaqqa rizashylyǵyn bildirip, ortalyqta júzege asyp jatqan joba-josparlarǵa toqtalyp ótti. Is-shara sońynda jinalǵandardyń suraýy boiynsha Qazybek Isa «Shyńǵyrlaýdaǵy shyrailym» atty óleńin oqyp berdi.
«Aq jol» demokratiialyq partiiasynyń respýblikalyq shtab músheleri sailaýshylarmen kezdesýlerin Aqtóbe oblysynda jalǵasady.
Materialdyń aqysy «Aq jol» demokratiialyq partiiasynyń sailaý qorynan tólendi.
