Apple kompaniiasy 2026 qarjy jylynyń birinshi toqsanynda qarjylyq kórsetkishterin aitarlyqtai jaqsartty, dep habarlaidy Dalanews.kz.
Kompaniianyń baspasóz habarlamasyna sáikes, 27 jeltoqsanda aiaqtalǵan toqsanda Apple-diń taza paidasy $42,1 mlrd qurap, bir jyl burynǵy $36,3 mlrd salystyrǵanda edáýir artqan. Bir aktsiiaǵa shaqqandaǵy tabys 2,84 dollarǵa jetti, al ótken jyly bul kórsetkish $2,4 bolǵan.
Toqsandyq kiris $143,8 mlrd deiin ósip, naryq sarapshylarynyń boljamynan asyp tústi. Buǵan deiin analitikter kompaniianyń kirisi $138,5 mlrd deńgeiinde bolady dep kútken.
Apple basshylyǵy ekinshi qarjylyq toqsanda da ósim saqtalatynyn málimdedi. Kompaniia kiristi 13–16% aralyǵynda arttyrýdy josparlap otyr. Bul naryqtaǵy ortasha boljamnan joǵary.
Sarapshylar Apple-diń qarjylyq nátijelerin kompaniia ónimderine degen turaqty suranys pen qyzmet kórsetý segmentiniń keńeiýimen bailanystyrady.
